លោកដូណាល់ ត្រាំបេក្ខជនមកពីគណបក្សសាធារណរដ្ឋ បានជាប់ឆ្នោតជាប្រធានាធិបតីទី៤៧របស់សហរដ្ឋអាមេរិកបន្ទាប់ពីទទួលបានសម្លេងលើសពី២៧០នៃអង្គបោះឆ្នោតនៅក្នុងការបោះឆ្នោតកាលពីថ្ងៃអង្គារទី៥ខែវិច្ឆិកាឆ្នាំ២០២៤។ លោកបានទទួលជ័យជំនះលើរដ្ឋធំៗមួយចំនួនដែលមានការប្រកួតប្រជែងខ្លាំង រួមមានរដ្ឋផេនស៊ីលវេនៀនិងរដ្ឋវីស្ខុនស៊ីន។
នៅក្នុងការថ្លែងសង្កថាខ្លីបន្ទាប់ពីទទួលជ័យជំនះលោកប្រធានាធិបតីជាប់ឆ្នោតរូបនេះលើកពីការរួបរួមគ្នាបង្កើតយុគ្គសម័យមាសសម្រាប់សហរដ្ឋអាមេរិក។ គណបក្សសាធារណរដ្ឋរបស់លោកក៏ទទួលជោគជ័យលើការបោះឆ្នោតព្រឹទ្ធសភាផងដែរ។
ចំណែកលោកស្រីអនុប្រធានាធិបតី កាម៉ាឡា ហារីសបេក្ខជនមកពីគណបក្សប្រជាធិបតេយ្យ បានទទួលស្គាល់ថាលោកស្រីបានចាញ់ការបោះឆ្នោតនេះ។ លទ្ធផលនៃការបោះឆ្នោតនៅសហរដ្ឋអាមេរិកត្រូវបានគេជឿថានឹងជះឥទ្ធិពលយ៉ាងខ្លាំងលើគោលនយោបាយទាំងក្នុងប្រទេសនិងឆាកអន្តរជាតិបន្ទាប់ពីលោកត្រាំក្លាយជាប្រធានាធិបតីក្នុងខែមករាឆ្នាំ២០២៥ខាងមុខនេះ៕
ជាអង្គភាពព័ត៌មានសេដ្ឋកិច្ចដែលមានក្រមសីលធម៌ វិជ្ជាជីវៈ។ គ្រប់ព័ត៌មានប្រកបដោយគុណភាព គុណតម្លៃ និងអាចទុកចិត្ត។
