S&P 500 បានកើនឡើង 1.4%។
Nasdaq Composite ដែលផ្ទុកភាគហ៊ុនបច្ចេកវិទ្យាក៏បានកើនឡើង 1.9%។
Dow Jones Industrial Average កើនតែ 0.7% ប៉ុណ្ណោះ ដោយសារការធ្លាក់ចុះ 6% របស់ភាគហ៊ុន IBM។
ភាគហ៊ុនរបស់ក្រុមហ៊ុនបច្ចេកវិទ្យាដូចជា Nvidia, Meta, Amazon, Tesla និង Microsoft ទាំងអស់បានកើនឡើងប្រហែល 2%។
វិស័យបច្ចេកវិទ្យាបានឆ្លងកាត់ភាពមិនច្បាស់លាស់ជាពិសេសក្រោយពី រដ្ឋាភិបាលអាមេរិកមានចំណាត់ការដាក់អត្រាពន្ធគយខ្ពស់ចំពោះប្រទេសចិន។ ទោះជាយ៉ាងនេះ
ក្តីវិស័យនេះនៅតែទទួលបានទាក់ទាញការវិនិយោគឡើងវិញ ខណៈវិនិយោគិនរង់ចាំអ៊ុតមើលពីលទ្ធផលនៃការពិភាក្សាពាណិជ្ជកម្មរវាងមហាអំណាចសេដ្ឋកិច្ចទាំងពីរ។
- មាសឡើងរីឯប័ណ្ណរតនាគាររដ្ឋាភិបាលអាមេរិក (U.S. Treasurys) និងប្រាក់ដុល្លារត្រូវគេលក់ចេញក្នុងតម្លៃទាបតម្លៃមាសបានកើនឡើងយ៉ាងច្រើន ក្នុងស្ថានភាពចលាចលពាណិជ្ជកម្មថ្មីៗនេះ ដែលបានជំរុញឱ្យវិនិយោគិនងាកទៅរកមាសដែលទ្រព្យសម្បត្តិប្រកបដោយសុវត្ថិភាព។ ភាពចលាចលនេះ បណ្តាលឱ្យ ប័ណ្ណរតនាគារ
រដ្ឋាភិបាលអាមេរិក (U.S. Treasurys) និងប្រាក់ដុល្លារ ត្រូវបានធ្លាក់តម្លៃ។
ធនាគារ J.P. Morgan បានព្យាករណ៍ថា តម្លៃមាសនឹងមានតម្លៃជាមធ្យម $3,675 ក្នុងមួយអោនស៍ ក្នុងត្រីមាសទី 4 ឆ្នាំ 2025 ហើយអាចឈានដល់ $4,000 ក្នុងត្រីមាស
ទី2 ឆ្នាំ 2026។ “បើទោះបីវាមិនមែនជារឿងនៃការស្លាប់ប្រាក់ដុល្លារអាមេរិកក៏ដោយ ប៉ុន្តែវាក៏ត្រឹមត្រូវក្នុងការនិយាយថា ការជឿជាក់លើសេដ្ឋកិច្ចអាមេរិក … បានបន្តបាត់បង់យ៉ាងខ្លាំង” នេះបើតាមការបញ្ជាក់ពីក្រុមប្រឹក្សាមាសពិភពលោក (World Gold Council)។
