អង្គការអប់រំ Quacquarelli Symonds (QS) ថ្មីៗនេះបានប្រកាសឱ្យដឹងពីចំណាត់ថ្នាក់សាកលវិទ្យាល័យអាស៊ីឆ្នាំ 2024 ដោយរកឃើញថា ប្រទេសឥណ្ឌាបានវ៉ាដាច់ប្រទេសចិនក្នុងចំនួនសាកលវិទ្យាល័យដែលរួមបញ្ចូលក្នុងបញ្ជី។ ជាក់ស្តែង ក្នុងចំណោមសាកលវិទ្យាល័យអាស៊ីចំនួន ៨៥៦ ដែលបានចុះបញ្ជីនោះ ប្រទេសឥណ្ឌាមានសាកលវិទ្យាល័យចំនួន ១៤៨ តាមពីក្រោយដោយប្រទេសចិនមានសាកលវិទ្យាល័យ ១៣៣ និងប្រទេសជប៉ុនមានត្រឹម ៩៦ ប៉ុណ្ណោះ។

លទ្ធផលនេះធ្វើឱ្យប្រទេសឥណ្ឌាក្លាយជាប្រទេសអាស៊ីដែលមានចំនួនសាកលវិទ្យាល័យច្រើនជាងគេក្នុងចំណាត់ថ្នាក់ក្នុងតារាងនៃចំនួនសកលវិទ្យាល័យក្នុងបណ្តាប្រទេសអាស៊ីដែលមានប្រជាជនច្រើន។ នៅឆ្នាំ ២០២៤ ប្រទេសឥណ្ឌាបានបន្ថែមសាកលវិទ្យាល័យថ្មី ចំនួន ៣៧ ទៀត ខណៈដែលប្រទេសចិនបានបន្ថែមសាកលវិទ្យាល័យចំនួន ៧។

 លោក Ben Sowter  អនុប្រធានជាន់ខ្ពស់នៃអង្គការអប់រំ QS បានទទួលស្គាល់ថា “ចំនួននៃសាកលវិទ្យាល័យឥណ្ឌាដែលចូលរួមក្នុងចំណាត់ថ្នាក់របស់ QS កំពុងតែកើនឡើង ដែលឆ្លុះបញ្ចាំងពីការពង្រីក និងថាមវន្តនៃវិស័យអប់រំរបស់សាកលវិទ្យាល័យឥណ្ឌា”។

 ក្រុមអ្នកជំនាញនេះក៏បានកត់សម្គាល់ពីការកើនឡើងនៃចំនួនគ្រឹះស្ថានឧត្តមសិក្សារបស់ឥណ្ឌា និងការរួមចំណែករបស់ពួកគេក្នុងវិស័យស្រាវជ្រាវវិទ្យាសាស្ត្រ។ នេះមិនត្រឹមតែពង្រឹងជំហរអប់រំនៃតំបន់អាស៊ីប៉ុណ្ណោះទេ ប៉ុន្តែក៏បង្ហាញពីសក្ដានុពលរបស់ប្រទេសឥណ្ឌាក្នុងការលើកកម្ពស់ជំហរសិក្សាសកលរបស់ខ្លួនផងដែរ។

ថ្វីត្បិតតែសាកលវិទ្យាល័យមានចំនួនច្រើនក៏ដោយ ចំណាត់ថ្នាក់របស់សាកលវិទ្យាល័យឥណ្ឌា បើប្រៀបធៀបនឹងសាកលវិទ្យាល័យចិនគឺខុសគ្នាច្រើន។ ជាឧទាហរណ៍ វិទ្យាស្ថានបច្ចេកវិទ្យាឥណ្ឌា Bombay (IIT Bombay) គឺជាសាលាដែលមានចំណាត់ថ្នាក់ខ្ពស់បំផុតក្នុងចំណោមសាកលវិទ្យាល័យឥណ្ឌា ហើយជាប់ចំណាត់ថ្នាក់ទី ៤០ ក្នុងចំណាត់ថ្នាក់។ ខាងក្រោមនេះគឺជាវិទ្យាស្ថានបច្ចេកវិទ្យាដេលី (IIT Delhi) នៅទីតាំង ៤៦ និងវិទ្យាស្ថានបច្ចេកវិទ្យា Madars (IIT Madras) ឈរនៅទីតាំង ៥៣ ។

ទន្ទឹមនឹងនេះ សាកលវិទ្យាល័យដែលកាន់តំណែងលេខ១ ក្នុងចំណាត់ថ្នាក់ គឺសាកលវិទ្យាល័យ Peking ដែលជាសាកលវិទ្យាល័យឈានមុខគេមួយនៅក្នុងប្រទេសចិន។ ចំណាត់ថ្នាក់ទី២ ជារបស់សាកលវិទ្យាល័យហុងកុង (ប្រទេសចិន) ដែលជាសាកលវិទ្យាល័យចំណាស់ជាងគេនៅក្នុងទីក្រុងហុងកុង ខណៈដែលចំណាត់ថ្នាក់ទី៣ ជារបស់សាកលវិទ្យាល័យជាតិសិង្ហបុរី (សិង្ហបុរី) ។

ចំណុចគួរឱ្យកត់សម្គាល់មួយគឺថា សាកលវិទ្យាល័យហុងកុងបានកើនឡើងពីរកន្លែងបើប្រៀបធៀបទៅនឹងឆ្នាំ ២០២២ និងជាប់ចំណាត់ថ្នាក់ទី២ នៅក្នុងបញ្ជី ហើយសាកលវិទ្យាល័យជាតិសិង្ហបុរី (NUS) បានធ្លាក់ចុះពីចំណាត់ថ្នាក់ទី២ មកចំណាត់ថ្នាក់ទី ៣ ចាប់ពីឆ្នាំ ២០១៩ ដល់ឆ្នាំ ២០២២ NUS ត្រូវបានជាប់ចំណាត់ថ្នាក់ជាសាកលវិទ្យាល័យកំពូលនៅអាស៊ី យោងតាម QS និងចំណាត់ថ្នាក់ទី ២ ក្នុងឆ្នាំ ២០២៣ ។

ចំណាត់ថ្នាក់ទី៤ ផងដែរគឺសាកលវិទ្យាល័យ Nanyang Technological (NTU)និងសាកលវិទ្យាល័យ Tsinghua (ប្រទេសចិន) ។ ឈជើងនៅតាំងទី 6 ជារបស់សាកលវិទ្យាល័យ Zhejiang (ប្រទេសចិន) និងទីតាំងទី ៧ គឺសាកលវិទ្យាល័យ Fudan (ប្រទេសចិន) ។ មុខតំណែងទី ៨ និងទី៩ ជាសាលាតំណាងប្រទេសកូរ៉េ ពីរគឺសាកលវិទ្យាល័យ Yonsei និងសាកលវិទ្យាល័យកូរ៉េរៀងគ្នា។ ចំណាត់ថ្នាក់ទី ១០ គឺសាកលវិទ្យាល័យចិនហុងកុង
(ប្រទេសចិន) ។

 QS Asian University Rankings ២០២៤ គឺជាចំណាត់ថ្នាក់ធំបំផុតនៅក្នុងវិស័យឧត្តមសិក្សានៅអាស៊ី ដែលមានសាកលវិទ្យាល័យចំនួន ៨៥៦ កើនឡើងពីសាកលវិទ្យាល័យចំនួន ៧៦០ នៅក្នុងចំណាត់ថ្នាក់កាលពីឆ្នាំមុន។ សាកលវិទ្យាល័យត្រូវបានវាយតម្លៃដោយផ្អែកលើកត្តាជាច្រើនដូចជា លទ្ធផលសិក្សា លទ្ធភាពការងារ គុណភាព និងបរិមាណនៃការស្រាវជ្រាវ ធនធានបង្រៀន សមាមាត្រសាស្ត្រាចារ្យ សមាមាត្រសិស្សអន្តរជាតិ។

      សូមបញ្ជាក់ថា របាយការណ៍វិភាគ QS “ជាមួយនឹងការបន្តកិច្ចខិតខំប្រឹងប្រែងឆ្ពោះទៅរកអន្តរជាតិ លទ្ធផលស្រាវជ្រាវ និងការទទួលស្គាល់ការសិក្សា សាកលវិទ្យាល័យឥណ្ឌាត្រូវបានត្រៀមខ្លួនសម្រាប់ការរីកចម្រើនបន្ថែមទៀត និងជោគជ័យនាពេលខាងមុខ”៕