ផែនការសេដ្ឋកិច្ចរបស់អនុប្រធានាធិបតី លោកជំទាវ កាម៉ាឡា ហារីស (Kamala Harris) គឺផ្តោតលើការបន្ថយថ្លៃចំណាយ និងការជំរុញឱកាសសេដ្ឋកិច្ចសម្រាប់ពលរដ្ឋអាមេរិកដែលមានជីវភាពកម្រិតទាប និងមធ្យម តាមរយៈវិធានការជាច្រើន ក្នុងមានទាំងឥណទានពន្ធ និងការផ្តល់ជូនសម្រាប់ឱសថ ដែលមានតម្លៃថោក។ ការវិភាគមួយ ពីគណៈកម្មាធិការមិនលំអៀងសម្រាប់ថវិកាសហព័ន្ធដែលមានទំនួលខុស ប៉ាន់ប្រមាណថា គោលនយោបាយដែលបានបង្ហាញនៅក្នុងរបៀបវារៈរបស់លោកជំទាវហារីស សម្រាប់រយៈពេល ១០០ថ្ងៃដំបូងរបស់លោកជំទាវ នៅក្នុងតំណែងនឹងបង្កើនឱនភាពចំនួន ១.៧ ពាន់ពាន់លានដុល្លារក្នុងរយៈពេល១ទសវត្សរ៍។ ទោះជាយ៉ាងណាក៏ដោយ យុទ្ធនាការលោកជំទាវ ហារីស បាននិយាយថា ការចំណាយរបស់កម្មវិធី អាចត្រូវបានទូទាត់ដោយការបង្កើនពន្ធលើអ្នកមានអាមេរិក និងសារជីវកម្មធំៗ។

តទៅនេះ ជារបៀបដែលក្រុមអ្នកសេដ្ឋកិច្ច កំពុងវាយតម្លៃផ្នែកសំខាន់ៗ នៃសំណើសេដ្ឋកិច្ចរបស់លោកជំទាវ

• ការពង្រីកការកាត់បន្ថយពន្ធ

ការកាត់បន្ថយពន្ធ និងច្បាប់ការងារ(TCJA)ឆ្នាំ ២០២៧ របស់អតីតប្រធានាធិបតី ដូណាល់ ត្រាំ ដែលជាច្បាប់ហត្ថលេខារបស់គាត់ បានកាត់បន្ថយអត្រាពន្ធសម្រាប់អាជីវកម្ម និងលរដ្ឋអាមេរិកភាគច្រើនបំផុត ហើយត្រូវបានកំណត់ថានឹងផុតកំណត់នៅចុងឆ្នាំ ២០២៥។ លោកជំទាវ ហារីស បានស្នើឱ្យរក្សាអត្រាការប្រាក់នៅដដែលសម្រាប់អ្នកដែលមានចំណូលតិចជាង $៤០ម៉ឺន ខណៈដំឡើងពន្ធសម្រាប់អ្នកមានប្រាក់ចំណូលខ្ពស់។ លោកជំទាវ ក៏កំពុងជំរុញឱ្យមានការបង្កើនអត្រាពន្ធសារជីវកម្ម ពី ២១% នាពេលបច្ចុប្បន្ន ដល់ ២៨%។ ការ​អះអាងនេះ ​គឺ​ថា​ពន្ធ​ខ្ពស់​ នឹង​ជួយ​បង្កើន​ប្រាក់​ចំណូល​របស់​អាមេរិក។

លោកជំទាវ Kimberly Clausing អតីតមន្ត្រីក្រសួងរតនាគារ ក្នុងរដ្ឋបាលរបស់ប្រធានាធិបតី ចូ ដៃដិន ដែលពេលនេះជាសាស្រ្តាចារ្យផ្នែកច្បាប់ពន្ធដារ និងគោលនយោបាយ នៃសាកលវិទ្យាល័យកាលីហ្វ័រញ៉ា បាននិយាយថា ទោះជាយ៉ាងណាក៏ដោយ ការបង្កើនពន្ធសូម្បីតែ១ផ្នែកនៃ TCJA ក៏វា “ថ្លៃណាស់” ។ ផែនការរបស់លោកជំទាវ ហារីស នឹងនៅតែចំណាយតិចជាងលោកត្រាំ ដែលជាបេក្ខភាពប្រធានាធិបតីមកពីគណបក្សសាធារណរដ្ឋដែលបាននិយាយថា លោកចង់បង្កើនការកាត់បន្ថយទាំងស្រុងរបស់ពួកគេ និងអនុវត្តការកាត់បន្ថយបន្ថែមទៀត ចំពោះអត្រាពន្ធសារជីវកម្ម។

ប៉ុន្តែជំទាវ Clausing បាននិយាយថា ការបង្កើនពន្ធលើបុគ្គលអ្នកមានទ្រព្យសម្បត្តិ អាចជួយបង់ថ្លៃគោលនយោបាយសេដ្ឋកិច្ចជាច្រើនផ្សេងទៀតរបស់លោកជំទាវ ក្នុងមានទាំងការពង្រីកឥណទានពន្ធកុមារផងដែរ។

លោកជំទាវ កាម៉ាឡា ហារីស ថ្លែងអំពីផែនការសេដ្ឋកិច្ចរបស់លោកជំទាវ ក្នុងពេលឃោសនា

• ការស្ដារឥណទានពន្ធកុមារដែលបានពង្រីក

លោកេជំទាវ​ហារីស បានស្នើឱ្យស្ដារឡើងវិញនូវឥណទានពន្ធកុមារដែលបានពង្រីក និងដែលបានអនុម័តនៅក្នុងផែនការសង្គ្រោះអាមេរិកឆ្នាំ ២០២១ របស់គណបក្សប្រជាធិបតេយ្យ ដែលបានបញ្ចប់ចាប់តាំងពីពេលនោះមក។ ឥណទាននេះ នឹងត្រូវដំឡើងពី $២០០០ ដល់ $៣៦០០ ក្នុង១អ្នកអាស្រ័យដែលមានសិទ្ធិ ជាមួយនឹងឥណទានថ្មី $៦០០០ សម្រាប់ទារកទើបនឹងកើត។

យោងតាមការិយាល័យជំរឿនសហរដ្ឋអាមេរិក ឲ្យដឹងថា ក្រុមអ្នកសេដ្ឋកិច្ចប៉ាន់ប្រមាណថា នេះនឹងស្ថិតក្នុងចំណោមសំណើរដែលចំណាយច្រើនបំផុតរបស់ លោកជំទាវ ហារីស ទោះបីជាពួកគេសរសើរពីអត្ថប្រយោជន៍សេដ្ឋកិច្ច នៃកម្មវិធីក៏ដោយ ជាពិសេសចំពោះផលប៉ះពាល់របស់វា លើភាពក្រីក្រកុមារ។ ឥណទានពន្ធកុមារដែលបានពង្រីក បានជួយជំរុញឱ្យអត្រាភាពក្រីក្រកុមារ ធ្លាក់ចុះដល់កម្រិតទាបបំផុតគឺ ៥.២% ក្នុងឆ្នាំ ២០២១។

លោក Joseph Stiglitz សេដ្ឋវិទូ និងជាសាស្រ្តាចារ្យដែលឈ្នះរង្វាន់ណូបែលនៅសាកលវិទ្យាល័យ Columbia បាននិយាយថា៖ «កុមារដែលធំឡើងក្នុងភាពក្រីក្រ នឹងមិនមានផលិតភាពទេ ។ ​ពួកគេ​នឹង​មិន​ធ្វើ​បានល្អ​នៅ​សាលាដែរ ហើយ​នៅពេល​ក្រោយ​ក្នុង​ជីវិត ក៏ពួកគេ​នឹង​មិន​ធ្វើ​បានល្អ​ដែរ​»​។

• ការដាក់បម្រាមរបស់សហព័ន្ធ លើការឡើងថ្លៃ

ខណៈដែលព័ត៌មានលម្អិតនៅតែមិនច្បាស់លាស់, លោកជំទាវ ហារីស បានអំពាវនាវឱ្យមានច្បាប់សហព័ន្ធ១ ប្រឆាំងនឹងការឡើងថ្លៃលើអាហារ និងគ្រឿងទេស។ យោងតាមផែនការរបស់លោកជំទាវ ឲ្យដឹងថា  ការផាកពិន័យថ្មីៗ ដែលអនុវត្តដោយគណៈកម្មការពាណិជ្ជកម្មសហព័ន្ធ និងទីភ្នាក់ងារជាច្រើនទៀត នឹងត្រូវដាក់លើសារជីវកម្មដែលបំពានច្បាប់លើការឡើងថ្លៃ និងជួយធ្វើឱ្យឧស្សាហកម្មម្ហូបអាហារ កាន់តែមានការប្រកួតប្រជែង។

យោងតាមលោក Mark Zandi ប្រធានសេដ្ឋវិទូប្រចាំក្រុមហ៊ុន Moody’s Analytics ឲ្យដឹងថា សំណើ​នេះ​ បាន​បង្ក​ការ​រិះគន់​ពី​អ្នក​សេដ្ឋកិច្ចខ្លះ ​ដែល​ចោទ​សួរ​ថា តើ​គោលដៅ​របស់លោកជំទាវ ​នឹង​ត្រូវ​សម្រេច​ដោយ​របៀប​ណា ឱ្យពិប្រាកដ? ក្រុមអ្នកសេដ្ឋកិច្ចភាគច្រើនបំផុតនិយាយថា ការគ្រប់គ្រងតម្លៃនឹងក្លាយជាគោលនយោបាយមិនល្អ និងមានឥទ្ធិពលអវិជ្ជមានលើសេដ្ឋកិច្ច។ ប៉ុន្តែការបង្កើនគោលនយោបាយប្រឆាំងការទុកចិត្ត និងការប្រកួតប្រជែង អាចមានប្រយោជន៍ ។

លោក Zandi មិន​មែន​ជា​អ្នក​គាំទ្រ​ការដាក់​តម្លៃ ឬ​​កំណត់​តម្លៃ​នោះ​ទេ ប៉ុន្តែ​លោក​មើលឃើញ ​បង្កើន​ការ​ពិនិត្យពិចៃ​លើ​ការ​អនុវត្ត​ការ​ប្រកួត​ប្រជែង និង​ការ​អនុវត្ត​តម្លៃ និង​ឧស្សាហកម្ម​ ថា​ជា​គោលនយោបាយ​ល្អ។ លោកបាននិយាយថា៖ “វាគួរតែផ្តោតលើការធ្វើឱ្យប្រាកដថា ទីផ្សារមានការប្រកួតប្រជែង ហើយក្រុមអ្នកប្រើប្រាស់មានព័ត៌មានគ្រប់យ៉ាង ដែលពួកគេត្រូវការដើម្បីធ្វើការសម្រេចចិត្តទិញដ៏ល្អ” ។ ខណៈ ការអនុវត្តទាំងនេះ អាចបន្ថយ នៃអតិផរណាអាហារ, លោកបានបន្ថែមថា វាមិនទំនងធ្វើឱ្យតម្លៃធ្លាក់ចុះនោះទេ។

• បង្កើតការលើកទឹកចិត្តម្ចាស់ផ្ទះថ្មី និងអ្នកសាងសង់ផ្ទះ

លោកជំទាវ​ហារីស បានស្នើរសុំជំនួយការបង់រំលោះឲ្យបានច្រើនរហូតដល់ $២៥,០០០ សម្រាប់អ្នកទិញផ្ទះលើកដំបូង។ លោកជំទាវ ក៏បានស្នើឱ្យមានការលើកទឹកចិត្តផ្នែកពន្ធ សម្រាប់អ្នកសាងសង់ដែលធ្វើការលើសង់ផ្ទះដំបូង និងបានអំពាវនាវឱ្យបង្កើតមូលនិធិច្នៃប្រឌិត $៤០ ពាន់លានដុល្លារ ដើម្បីជំរុញការបង្កើតថ្មី លើផ្នែកសំណង់លំនៅដ្ឋាន។

យោងតាមលោក Stiglitz ឲ្យដឹងថា វិធានការនេះមានសក្តានុពលក្នុងការជួយដោះស្រាយបញ្ហាកង្វះលំនៅឋាន និងកាត់បន្ថយការចំណាយ។ យោងតាមលោក Michael Strain នាយកនៃការសិក្សាគោលនយោបាយសេដ្ឋកិច្ចនៅវិទ្យាស្ថានសហគ្រាសអាមេរិក ឱ្យដឹងថា ទោះជាយ៉ាងណាក៏ដោយ កម្មវិធីទាំងនេះ អាចបង្កើនតម្រូវការ និងនាំឱ្យតម្លៃផ្ទះឡើងថ្លៃដោយអចេតនា។

• ការពង្រីកអត្ថប្រយោជន៍ថែទាំសុខភាព

លោកជំទាវ ហារីស បានស្នើសុំថវិកាប្រចាំឆ្នាំ $២០០០ លើការចំណាយក្រៅហោប៉ៅសម្រាប់ឱសថតាមវេជ្ជបញ្ជាសម្រាប់ពលរដ្ឋអាមេរិកទាំងអស់។ លោកជំទាវ ហារីស ក៏ចង់កំណត់តម្លៃនៃការចំណាយលើ អាំងស៊ុយលីនដល់ ៣៥ដុល្លារក្នុងមួយខែ, បង្កើនការឧបត្ថម្ភធនសម្រាប់ការធានារ៉ាប់រងនៅលើទីផ្សារសហព័ន្ធ, និងអនុញ្ញាតឱ្យ ផ្នែក​ថែទាំសុខភាព (Medicare) ពន្លឿនការចរចាលើតម្លៃថ្នាំ។

Stiglitz បាននិយាយថាកម្មវិធីរបស់ Harris នឹងមានសារៈសំខាន់ក្នុងការកាត់បន្ថយការចំណាយលើការរស់នៅ ជាពិសេសសម្រាប់អ្នកដែលពឹងផ្អែកលើថ្នាំតាមវេជ្ជបញ្ជា និងការទូទាត់អាំងស៊ុយលីន។

លោក David Cutler សាស្ត្រាចារ្យផ្នែកសេដ្ឋកិច្ចនៅសកលវិទ្យាល័យ Harvard បាននិយាយថា ព័ត៌មានលម្អិតបន្ថែម គឺត្រូវការចាំបាច់ដើម្បីកំណត់តម្លៃសហព័ន្ធលើការកំណត់ថ្លៃចំណាយក្រៅហោប៉ៅ។ ប៉ុន្តែវា “ទំនងជាមិនថ្លៃពេកទេ” ហើយអត្ថប្រយោជន៍ទាំងឡាយ ដែលទទួលបានពីការព្យាបាលថោកជាង ដែលសំខាន់សម្រាប់ពលរដ្ឋអាមេរិកជាច្រើន អាចមានទំហំធំ៕

បណ្តាប្រទេសក្នុងតំបន់អាស៊ី ចាប់ពីប្រទេសចិន ដល់ប៉ាគីស្ថាន បានបង្កើនការឃ្លាំមើល សម្រាប់មេរោគជំងឺគ្រុនស្វា ដែលប្តូររូបរាង ដែលកំពុងរីករាលដាលនៅក្រៅទ្វីបអាហ្រ្វិកកណ្តាល ជាទីដែលវាបានជំរុញឱ្យអង្គការសុខភាពពិភពលោក ប្រកាសអាសន្នសុខភាពជាសាកលក្នុងខែនេះ។

ប្រទេសថៃ បានក្លាយជាប្រទេសដំបូងគេក្នុងទ្វីប ដែលរកឃើញវីរុស mpox ដោយសារមេរោគនេះរីករាលដាលទៅកាន់ភូមិសាស្ត្រកាន់តែច្រើន ។

ប្រមុខនាយកដ្ឋាន គ្រប់គ្រងអំងឺថៃ លោកThongchai Keeratihattayakorn ថ្លែងពីករណីដំបូងនៅក្នុងប្រទេស

យោងតាមនាយកដ្ឋានគ្រប់គ្រងជំងឺនៃក្រសួងសុខាភិបាលប្រទេសថៃ ឱ្យដឹងថា អ្នកជំងឺដែលមានវីរុស Clade Ib នេះ គឺជាបុរសអឺរ៉ុបម្នាក់ ដែលបានចេញពីទ្វីបអាហ្រ្វិក មកដល់ទីក្រុងបាងកកពីសប្តាហ៍មុន ។ ក្រុមអាជ្ញាធរ បានកំណត់អត្តសញ្ញាណថា មានមនុស្សចំនួន ៤៣នាក់ បានស្និទ្ធនឹងអ្នកជំងឺអាយុ ៦៦ ឆ្នាំរូបនោះ និងបានដាក់ឱ្យស្ថិតនៅក្រោមការឃ្លាំមើល។

ករណីមួយ នៅប្រទេសស៊ុយអែតកាលពីសប្តាហ៍មុន គូសបញ្ជាក់ពីការគំរាមកំហែងជាអន្តរជាតិ អំពីអ្វីដែលគេហៅថាជំងឺ 1B ដែលត្រូវបានរាយការណ៍ថា បានសម្លាប់មនុស្សជាង ៥០០ នាក់ ភាគច្រើនជាកុមារ នៅសាធារណរដ្ឋប្រជាធិបតេយ្យកុងហ្គោ។ នៅទូទាំងអាស៊ី អ្នកដំណើរដែលមកពីបណ្តាប្រទេសដែលរងផលប៉ះពាល់ កំពុងត្រូវបានស្នើសុំឱ្យរាយការណ៍អំពីរោគសញ្ញាដោយខ្លួនឯង ខណៈមន្ទីរពេទ្យទាំងឡាយ បង្កើនការឃ្លាំមើលសម្រាប់ជំងឺនេះ។

ខុសពីមេរោគបង្កជំងឺ mpox ដែលរីករាលដាលពាសពេញពិភពលោកក្នុងឆ្នាំ ២០២២, មេរោគថ្មីនេះកាន់តែគ្រោះថ្នាក់ ដោយមានអត្រាស្លាប់ជាង ៣%។ វាអាចទៅរួចផងដែរ ដែលថាបុគ្គលដែលមានមេរោគអាចចម្លងមេរោគនេះ ជាច្រើនថ្ងៃមុនពេលកើតមានរោគសញ្ញា ដែលធ្វើឱ្យវាកាន់តែពិបាកក្នុងការគ្រប់គ្រង ដោយករណីកំណត់អត្តសញ្ញាណ និងករណីដាក់ដោយឡែក។

យោងតាមសេចក្តីថ្លែងការណ៍មួយបានឱ្យដឹងថា ចិនកំពុងស្នើឱ្យអ្នកដំណើរពីតំបន់ដែលរងផលប៉ះពាល់ អ្នកដែលមានទំនាក់ទំនងជាមួយអ្នកជំងឺ mpox និងបុគ្គលដែលមានរោគសញ្ញាចូលមកពីប្រទេស ត្រូវ រាយការណ៍ទៅមន្ត្រីគយនៅពេលចូល ជាទីដែលពួកគេអាចត្រូវបានតម្រូវឱ្យឆ្លងកាត់ការធ្វើតេស្ត។

បណ្តាញព័ត៌មាន Economic Times បានរាយការណ៍ថា អាជ្ញាធរសុខាភិបាលនៅក្នុងប្រទេសឥណ្ឌាបានបញ្ជាឱ្យមានការប្រុងប្រយ័ត្នខ្ពស់ នៅតាមអាកាសយានដ្ឋានអន្តរជាតិ និងកំពង់ផែ សម្រាប់អ្នកដំណើរដែលមានរោគសញ្ញា mpox និងបាកកំណត់ឲ្យមន្ទីរពេទ្យ និងមន្ទីរពិសោធន៍ ដោះស្រាយករណីដែលអាចកើតមានទាំងនេះ។ ឥណ្ឌូណេស៊ី និងម៉ាឡេស៊ី ក៏បានអនុម័តវិធានការស្រដៀងគ្នានេះផងដែរ។

ដោយ mpox បង្ហាញខ្លួនម្តងទៀត, ក្រុមមន្ត្រីសុខាភិបាល កំពុងរាយការណ៍រាល់ករណីដែលទំនងជាបណ្តាលមកពីប្រភេទ 2b ដែលស្រាលជាង។ ប៉ាគីស្ថាន បានបញ្ជាក់ពីការឆ្លងមេរោគ 2b កាលពីថ្ងៃទី ១៣ ខែសីហា។ នាយកដ្ឋានសុខាភិបាលហ្វីលីពីន បាននិយាយថា ខ្លួនបានរកឃើញករណី mpox ដំបូងរបស់ប្រទេស ចាប់តាំងពីខែធ្នូមក លើបុរសអាយុ ៣៣ឆ្នាំម្នាក់ ដែលថ្មីៗនេះ មិនបានធ្វើដំណើរទេ។

នៅពេលចាប់ផ្តើមនៃជំងឺរាតត្បាត Covid-19 នៅដើមឆ្នាំ ២០២០ រដ្ឋាភិបាលជាច្រើន បានអនុវត្តការត្រួតពិនិត្យជំងឺគ្រុនក្តៅ និងវិធានការតាមដានផ្សេងទៀត ដើម្បីកំណត់អត្តសញ្ញាណអ្នកដំណើរដែលចូលមកមានឆ្លងវីរុសនោះ។ ទោះជាយ៉ាងណាក៏ដោយ ការសិក្សាបានបង្ហាញថា នីតិវិធីទាំងនេះ មិនមានប្រសិទ្ធភាពក្នុងការបញ្ឈប់ការកើតមានវីរុសនោះទេ ដោយហេតុថាអ្នកផ្ទុកមេរោគដ៏ច្រើន មិនបង្ហាញរោគសញ្ញា ឬបង្ហាញតិចតួចបំផុត ខណៈពេលដែលពួកគេឆ្លង។

ការសិក្សាឆ្នាំ ២០២២ ពីចក្រភពអង់គ្លេស បានរកឃើញថាជាងពាក់កណ្តាលនៃការឆ្លងមេរោគ mpox ត្រូវ បានរីករាលដាលដោយសារបុគ្គលមានមេរោគដែលមិនទាន់មានរោគសញ្ញា។ ភ័ស្តុតាង ដែលកំពុងលេចឡើងបង្ហាញថា មនុស្សដែលបង្កជំងឺអាចឆ្លងមេរោគ mpox រហូតដល់ទៅ ៤ថ្ងៃ មុនពេលចាប់ផ្តើមមានរោគសញ្ញា៕

យោងតាមទិន្នន័យគយដែល Reuters បានមើលឃើញឱ្យដឹងថា ក្រដាសប្រាក់ដុល្លារ និងប្រាក់អឺរ៉ូប្រមាណជា ២.៣ពាន់លានដុល្លារ ត្រូវបានដឹកជញ្ជូនទៅកាន់ប្រទេសរុស្ស៊ី ចាប់តាំងពីសហរដ្ឋអាមេរិក និងសហភាពអឺរ៉ុប បានហាមឃាត់ការនាំចេញក្រដាសប្រាក់របស់ពួកគេនៅទីនោះ ក្នុងខែមីនា ឆ្នាំ ២០២២ ក្រោយពីមានការលុកលុយចូលប្រទេសអ៊ុយក្រែន ។ .

តួរលេខដែលមិនបានរាយការណ៍ពីមុនបង្ហាញថា រុស្ស៊ីបានជៀសផុតពីទណ្ឌកម្មជាច្រើនដែលរាំងខ្ទប់ការនាំចូលសាច់ប្រាក់ និងស្នើឡើងថា ប្រាក់ដុល្លារ និងប្រាក់អឺរ៉ូ នៅតែជាឧបករណ៍ដ៏មានប្រយោជន៍ សម្រាប់ពាណិជ្ជកម្ម និងការធ្វើដំណើរ ទោះបីជាទីក្រុងម៉ូស្គូព្យាយាមកាត់បន្ថយការប្រឈមមុខរបស់ខ្លួនទៅនឹងរូបិយប័ណ្ណជាក្រដាសប្រាក់ក៏ដោយ។

ទិន្នន័យគយដែលទទួលបានពីក្រុមហ៊ុនផ្គត់ផ្គង់ពាណិជ្ជកម្ម១ ដែលកត់ត្រា និងចងក្រងព័ត៌មានទាំងនោះ បង្ហាញថា ក្រដាសប្រាក់ ត្រូវបានដឹកជញ្ជូនទៅកាន់ប្រទេសរុស្ស៊ីពីបណ្តាប្រទេស ជាច្រើន ក្នុងនោះមានទាំង អារ៉ាប់រួមអ៊ីមើរ៉េត (UAE) និងទួរគី ដែលមិនជាប់ទណ្ឌកម្មពាណិជ្ជកម្មជាមួយរុស្ស៊ី។ ប្រទេសដើម ជាងពាក់កណ្តាលនៃប្រទសទាំងនោះ មិនត្រូវបានបញ្ជាក់នៅក្នុងកំណត់ត្រានោះទេ។

សង្កាត់លំដាប់ខ្ពស់នៅ កណ្តាលក្រុងម៉ូស្គូ

រដ្ឋាភិបាលអាមេរិកកាលពីខែធ្នូ បានគំរាមដាក់ទណ្ឌកម្មចំពោះស្ថាប័នហិរញ្ញវត្ថុដែលជួយរុស្ស៊ីឲ្យជៀសផុតពីទណ្ឌកម្មទាំងនោះ និងបានដាក់ទណ្ឌកម្មលើក្រុមហ៊ុនជាច្រើនមកពីប្រទេសទី៣ ពេញមួយឆ្នាំ ២០២៣ និង ២០២៤។

ប្រាក់យួនរបស់ចិន បានវ៉ាដាច់ប្រាក់ប្រាក់ដុល្ឡារ ដើម្បីក្លាយជារូបិយប័ណ្ណបរទេសដែលត្រូវបានជួញដូរច្រើនបំផុត នៅទីក្រុងមូស្គូ ថ្វីបើបញ្ហាទូទាត់សំខាន់ៗ នៅតែបន្តកើតមានក៏ដោយ។

ប្រមុខផ្នែកវិនិយោគនៅ Astra Asset Management ក្នុងប្រទេសរុស្ស៊ី លោក ឌីមីទ្រី ប៉ូឡេវ៉ូយ (Dmitry Polevoy) បាននិយាយថា ប្រជាជនរុស្ស៊ីជាច្រើន នៅតែចង់បានរូបិយប័ណ្ណបរទេសជាក្រដាសប្រាក់សម្រាប់ការធ្វើដំណើរទៅក្រៅប្រទេស ក៏ដូចជាការនាំចូលតូចតាច និងការសន្សំទុកក្នុងស្រុក។

លោកបានប្រាប់រ៉យទ័រថា៖ “សម្រាប់បុគ្គល ប្រាក់ដុល្លារនៅតែជារូបិយប័ណ្ណដែលអាចទុកចិត្តបានមួយ”។

ក្រដាសប្រាក់ដុល្លារ ត្រូវបានពលរដ្ឋរុស្ស៊ីចាត់ទុកថា គួរឲ្យទុកចិត្ត ប៉ុន្តែរដ្ឋភិបាលថា ជាគ្រឿងពុល

ធនាគារកណ្តាលរុស្ស៊ី និងអាជ្ញាធរដាក់ទណ្ឌកម្មរបស់អាមេរិក ការិយាល័យគ្រប់គ្រងទ្រព្យសម្បត្តិបរទេស (OFAC) មិនឆ្លើយតបនឹងសំណើសុំការអត្ថាធិប្បាយនោះទេ។

ប្រទេសរុស្ស៊ី បានចាប់ផ្តើមចាត់ប្រភេទប្រាក់ដុល្លារ និងប្រាក់អឺរ៉ូថាជា “គ្រឿងពុល” ក្នុងឆ្នាំ ២០២០ ខណៈទណ្ឌកម្មជាទូទៅ បានកាត់បន្ថយសិទ្ធិប្រើប្រាស់ទៅក្នុងប្រព័ន្ធហិរញ្ញវត្ថុពិភពលោកនេះ ដោយរារាំងការទូទាត់ និងពាណិជ្ជកម្មទាំងឡាយ។ ប្រាក់បម្រុងបរទេសប្រមាណ ៣០០ពាន់លានដុល្លាររបស់ធនាគាររុស្ស៊ី នៅអឺរ៉ុបត្រូវបានបង្កកទាំងអស់។

អ្នកនាំពាក្យគណៈកម្មាធិការអឺរ៉ុប១រូប បាននិយាយថា ខ្លួនមិនអាចធ្វើអត្ថាធិប្បាយលើករណីបុគ្គល អនុវត្តទណ្ឌកម្មបានទេ។ អ្នកនាំពាក្យរូននោះ បាននិយាយថា សហភាពអឺរ៉ុប ចូលរួមជាមួយប្រទេសទី៣ នៅពេលដែលខ្លួនសង្ស័យថា ទណ្ឌកម្មជាច្រើន កំពុងត្រូវបានចៀសវាង។

កំណត់ត្រាគយ គ្របដណ្តប់ពីខែមីនា ឆ្នាំ ២០២២ ដល់ខែធ្នូ ឆ្នាំ២០២៣ ហើយ Reuters មិនអាចរកបានទិន្នន័យថ្មីៗបន្ថែមទៀតទេ។

ឯកសារ​ជាច្រើន បាន​បង្ហាញ​ពី​ការ​កើន​ឡើង​នៃ​ការ​នាំ​ចូល​ក្រដាសប្រាក់ជាច្រើន ​មុន​ពេល​មាន​ការ​លុកលុយអ៊ុយក្រែន។ នៅចន្លោះខែវិច្ឆិកា ឆ្នាំ ២០២១ ដល់ខែកុម្ភៈ ឆ្នាំ ២០២២ ក្រដាសប្រាក់ដុល្លារ និងក្រដាសប្រាក់អឺរ៉ូចំនួន ១៨.៩ ពាន់លានដុល្លារ បានចូលទៅប្រទេសរុស្ស៊ី បើធៀបនឹងត្រឹមតែ ១៧ លានដុល្លារ ក្នុងរយៈពេល ៤ខែមុន។

មេដឹកនាំក្រុមប្រតិបត្តិពាណិជ្ជកម្មអន្តរជាតិ និងសន្តិសុខជាតិ នៃក្រុមហ៊ុនច្បាប់អាមេរិក Buchanan Ingersoll & Rooney លោក Daniel Pickard បាននិយាយថា ការដឹកជញ្ជូនឡើងខ្ពស់មុនការឈ្លានពាន បានបង្ហាញថា ពលរដ្ឋរុស្ស៊ីខ្លះ ចង់ការពារខ្លួនពួកគេប្រឆាំងនឹងលទ្ធភាពទណ្ឌកម្មជាច្រើន។

សាច់ប្រាក់ និងមាស ជាច្រើន ត្រូវបានគេដឹកជញ្ជូនទៅរុស្ស៊ី តាំងពីមុនទណ្ឌកម្ម

លោក Pickard បាននិយាយថា៖ “ខណៈដែលអាមេរិក និងសម្ព័ន្ធមិត្តរបស់ខ្លួន បានសិក្សាពីសារៈសំខាន់នៃសកម្មភាពរួម ក្នុងការបង្កើនផលវិបាកសេដ្ឋកិច្ច, ប្រទេសរុស្ស៊ី បាននិងកំពុងរៀនពីរបៀបដើម្បីជៀសវាង និងកាត់បន្ថយផលវិបាកដូចគ្នាទាំងនោះ។ ទិន្នន័យ​នេះ ​ស្ទើរតែ​មិន​បាន​បញ្ជាក់​អំពី​លំហូរ​រូបិយប័ណ្ណ​ពិត​ប្រាកដ”។

ធនាគារកណ្តាលរបស់រុស្ស៊ី បានកាត់បន្ថយភ្លាមៗ ក្នុងការដកសាច់ប្រាក់ជារូបិយប័ណ្ណបរទេសរបស់បុគ្គល បន្ទាប់ពីការលុកលុយចូលអ៊ុយក្រែន ក្នុងគោលបំណងគាំទ្រដល់ប្រាក់រូប្លិ៍ ដែលកំពុងធ្លាក់ចុះ។

យោងតាមទិន្នន័យឲ្យដឹងថា ក្រដាសប្រាក់ដុល្លារ និងប្រាក់អឺរ៉ូ ត្រឹមតែ ៩៨លានដុល្លារ បានចាកចេញពីប្រទេសរុស្ស៊ី នៅចន្លោះខែកុម្ភៈ ឆ្នាំ ២០២២ ដល់ចុងឆ្នាំ ២០២៣ ។

ផ្ទុយទៅវិញ ការហូរចូលរូបិយប័ណ្ណបរទេស គឺខ្ពស់ជាងឆ្ងាយ។ អ្នកប្រើរូបិយប័ណ្ណបរទេសដ៏ធំបំផុតតែ១គត់ គឺជាក្រុមហ៊ុនដែលមិនសូវស្គាល់ Aero-Trade ដែលផ្តល់សេវាកម្មទិញទំនិញដោយមិនគិតពន្ធ នៅក្នុងអាកាសយានដ្ឋាន និងនៅលើជើងហោះហើរ។ ក្តុមហ៊ុននេះ បានប្រកាសថា មានប្រមាណ ១.៥ ពាន់លានដុល្លារ ក្នុងអំឡុងពេលនោះ។

ក្រុមហ៊ុន Aero-Trade បានចុះបញ្ជីការដឹកជញ្ជូនចំនួន៧៣គ្រឿង លើក្រដាសប្រាក់ ២០លានដុល្លារ ឬអឺរ៉ូក្នុង១គ្រឿង ដែលទំនិញទាំងអស់ ត្រូវបានសម្អាតនៅអាកាសយានដ្ឋាន Domodedovo របស់ទីក្រុងម៉ូស្គូ ដែលជាមជ្ឈមណ្ឌលអន្តរជាតិនៅក្បែរទីស្នាក់ការកណ្តាលរបស់ក្រុមហ៊ុននោះ។ ការដឹកជញ្ជូន ត្រូវបានពិពណ៌នានៅក្នុងសេចក្តីប្រកាសគយថា ជាការផ្លាស់ប្តូរ ឬប្រាក់ចំណូលពីពាណិជ្ជកម្មតាមយន្តហោះ។

ក្នុងករណីភាគច្រើនបំផុត,ក្រុមហ៊ុន Aero-Trade ត្រូវបានចុះបញ្ជីត្រឹមតែជាអ្នកប្រកាស ជាអង្គភាពដែលរៀបចំ និងបញ្ជូនឯកសារគយ។ Reuters មិនអាចកំណត់អត្តសញ្ញាណអតិថិជនរបស់ Aero-Trade និងមិនអាចកំណត់ប្រភព ឬគោលដៅ នៃក្រដាប្រាក់ទាំងនោះបានទេ។

ទិន្នន័យ បានបង្ហាញថា ក្រដាសប្រាក់ដុល្លារ និងក្រដាស​ប្រាក់អឺរ៉ូ ត្រូវបាន​ដឹកជញ្ជូនទៅរុស្ស៊ីតាំពីឆ្នាំ ២០២២

ថៅកែក្រុមហ៊ុន Aero-Trade លោក អាតេម ម៉ាទីនយុក (Artem Martynyuk) បានប្រាប់រ៉យទ័រថា លោកមានការសង្ស័យអំពីភាពត្រឹមត្រូវនៃកំណត់ត្រាគយ។ លោក បាន​បដិសេធ​មិន​ធ្វើ​អត្ថាធិប្បាយអ្វី​បន្ថែម​ទេ។ នៅក្នុងសេចក្តីថ្លែងការណ៍មួយ ក្រុមហ៊ុននេះ បាននិយាយថា៖ “Aero-Trade មិនជាប់ពាក់ព័ន្ធ ក្នុងការផ្គត់ផ្គង់រូបិយប័ណ្ណរឹង ទៅប្រទេសរុស្ស៊ីនោះទេ” ។

យោងតាមកំណត់ត្រាគយឲ្យដឹងថា ការដឹកជញ្ជូនតម្លៃ ២០លានអឺរ៉ូ១ ដែលចាត់ចែងដោយ Aero-Trade ត្រូវបាននាំចូលកាលពីខែកុម្ភៈឆ្នាំមុន ដោយក្រុមហ៊ុន Yves Rocher Vostok ដែលជាបុត្រសម្ព័ន្ធរបស់ក្រុមហ៊ុនគ្រឿងសំអាងបារាំង Yves Rocher ដែលនៅតែដំណើរការបើកហាងរាប់សិប នៅក្នុងប្រទេសរុស្ស៊ី។ គ្មានប្រទេសដើមកំណើត ឬឈ្មោះក្រុមហ៊ុនផ្គត់ផ្គង់ណាមួយ ត្រូវបានរាយឈ្មោះ ក្នុងទិន្នន័យនោះទេ។

ក្រុមហ៊ុន Groupe Rocher ដែលជាក្រុមហ៊ុនមេនៅប្រទេសបារាំងបាននិយាយថា ទាំងក្រុមហ៊ុននេះ និង ក្រុមហ៊ុន Yves Rocher Vostok មិនដែលមានទំនាក់ទំនងណាមួយជាមួយ Aero-Trade ឬបានស្នើសុំការផ្ទេរនោះទេ។

អ្នកនាំពាក្យរបស់ក្រុមហ៊ុន បាននិយាយថា៖ “ក្រុមហ៊ុន Yves Rocher Vostok គឺដូចជាអង្គភាព របស់ Groupe Rocher ទាំងអស់ គឺគោរពតាមច្បាប់។ ខ្លួន មិនដែលព្យាយាម និងមិនព្យាយាមរំលងការដាក់ទណ្ឌកម្មលើការនាំចូលក្រដាសប្រាក់ដុល្លារ និងប្រាក់អឺរ៉ូ ទៅក្នុងប្រទេសរុស្ស៊ីនោះទេ”។

មានទាំងក្រដាសប្រាក់លុយដុល្លារ មានទាំងក្រដាស​ប្រាក់លុយអឺរ៉ូ និងមាសផងដែរ ត្រូវបានដឹកជញ្ជូនទៅដល់រសស៊ី

យោងតាមកំណត់ត្រាគយ និង មនុស្សម្នាក់ដែលស្និទ្ធនឹងប្រតិបត្តិការនេះ ឲ្យដឹងថា ជាង១/៤ នៃក្រដាសប្រាក់ ២.២៧ ពាន់លានដុល្លារ ត្រូវបាននាំចូលដោយធនាគារជាច្រើន ដែលភាគច្រើនជាក្រដាសប្រាក់សម្រាប់ការទូទាត់ថ្លៃលោហៈធាតុដ៏មានតម្លៃ។

កំណត់ត្រានោះ បានបង្ហាញថា ធនាគាររុស្ស៊ីជាច្រើន បានទទួលក្រដាសប្រាក់ តម្លៃ ៥៨០លានដុល្លារពីបរទេស នៅចន្លោះខែមីនា ឆ្នាំ ២០២២ ដល់ខែធ្នូ ឆ្នាំ ២០២៣ និងបាននាំចេញនូវបរិមាណប្រហាក់ប្រហែលគ្នា នៃលោហៈធាតុដ៏មានតម្លៃផ្សេងៗ។ ក្នុង​ករណី​ជា​ច្រើនទៀត ការដឹកជញ្ជូន​មាស ឬ​ប្រាក់ ធ្លាក់​ទៅលើ​ក្រុមហ៊ុន​ដែលបាន​ផ្គត់ផ្គង់​ក្រដាស​ប្រាក់​។

ឧទាហរណ៍ ធនាគាររុស្ស៊ី Vitabank បាននាំចូលក្រដាសប្រាក់ចំនួន ៦៤.៨ លានដុល្លារ ពីក្រុមហ៊ុនពាណិជ្ជកម្មមាសទួរគី Demas Kuumculuk ក្នុងឆ្នាំ 2២០២២ និង ២០២៣។ ក្នុងរយៈពេលដូចគ្នានោះ Vitabank បាននាំចេញមាស និងប្រាក់ចំនួន ៥៩.៥ លានដុល្លារ ទៅឱ្យក្រុមហ៊ុនទួរគី។

សេដ្ឋកិច្ចរបស់ប្រទេសម៉ាឡេស៊ី បានពង្រីកក្នុងអត្រាលឿនបំផុតក្នុងរយៈពេល ១៨ខែ ក្នុងត្រីមាសទី២នេះ បានជំនួយពីការចំណាយគ្រួសាររឹងមាំ, ការនាំចេញ, និងការវិនិយោគ ដោយធនាគារកណ្តាលនេះ ព្យាករណ៍ពីកំណើនពេញឆ្នាំ នឹងឡើងជិតចុងកំពូល នៃការព្យាករណ៍របស់ខ្លួន។

ទិន្នន័យ បានបង្ហាញកាលពីថ្ងៃសុក្រថា ផលទុនជាតិសរុប បានកើនឡើងពី ៤.២% នៅក្នុងត្រីមាសទី១ ដល់៥.៩% ក្នុងអំឡុងពេលពីខែមេសា ដល់ខែមិថុនា និងលើសពីការប៉ាន់ស្មានរបស់ក្រុមអ្នកវិភាគ និងការវិភាគរបស់រដ្ឋាភិបាលពីដំបូង ថាកើនឡើង ៥.៨%។

កំណើនក្នុងរយៈពេលនេះ គឺលឿនបំផុតហើយ ចាប់តាំងពីត្រីមាសទី៤ ឆ្នាំ ២០២២មក នៅពេលដែលសេដ្ឋកិច្ច បានឡើង ៧.៤% ។

ម៉ាឡេស៊ី កំពុងរីរាយនឹងកំណើនសេដ្ឋកិច្ចរបស់ខ្លួន

ទិន្នន័យពីធនាគារ Negara Malaysia (BNM) និងនាយកដ្ឋានស្ថិតិ បានបង្ហាញថា នៅលើមូលដ្ឋានដែលបានកែតម្រូវតាមរដូវកាលពី១ត្រីមាសទៅ១ត្រីមាស, ផលទុនជាតិសរុប បានកើនឡើង ២.៩% បើធៀបនឹងការកើនឡើង ១.៥% ក្នុងរយៈពេលពីខែមករា ដល់ខែមីនា។

ទេសាភិបាលធនាគារ BNM លោក Abdul Rasheed Ghaffour បាននិយាយថា កំណើនពេញ១ឆ្នាំ ២០២៤ ត្រូវបានគេរំពឹងថា នឹងចូលមកដល់នៅចុងកំពូល នៃការព្យាករណ៍របស់ធនាគារកណ្តាល ៤%-៥% ដោយសារការក់នឡើងកាន់តែខ្លាំងពីតម្រូវការក្នុងស្រុក និងខាងក្រៅស្រុក។

លោក បាននិយាយថា៖ “ការចំណាយរបស់គ្រួសារ នឹងនៅតែជាយុថ្កានៃកំណើនសម្រាប់ពេលវេលានៅសេសសល់ នៃឆ្នាំនេះ ជាមួយនឹងការបន្តពង្រីកការងារ និងប្រាក់ចំណូល ព្រមទាំងការគាំទ្រគោលនយោបាយកាន់តែធំ និងសកម្មភាពវិនិយោគដ៏រឹងមាំ” ។

នៅឆ្នាំ ២០២៣ សេដ្ឋកិច្ចនេះ បានពង្រីកតិចជាងការរំពឹងទុក ដោយកើនឡើង ៣.៧% ចំពេលតម្រូវការពិភពលោក ចុះខ្សោយ។ ទេសាភិបាលរូបនោះ បាននិយាយថា រូបិយប័ណ្ណរីងហ្គីត ក៏ត្រូវបានគេរំពឹងថានឹងទទួលបានការគាំទ្របន្ថែម នៅក្នុងប៉ុន្មានខែខាងមុខនេះដែរ ចំពេលមានភាពខុសគ្នាតិចតួច នៃអត្រាការប្រាក់ រវាង អាមេរិក និងម៉ាឡេស៊ី។

រូបិយប័ណ្ណរីងហ្គីត បានស្ទុះងើបការធ្លាក់ចុះរយៈពេល ២៦ឆ្នាំ ធៀបនឹងប្រាក់ដុល្លារអាមេរិក ដែលបានវាយលុកក្នុងខែកុម្ភៈ ហើយឥឡូវនេះបានកើនឡើង ៣.៣% រហូតមកដល់ពេលនេះក្នុងឆ្នាំនេះ។

កាល​ពី​ខែ​មុន ធនាគារ​កណ្តាល​នេះ បាន​រក្សា​អត្រា​ការ​ប្រាក់​សំខាន់​របស់​ខ្លួន​ឲ្យរឹងត្រឹម ៣%។ ធនាគារនេះ បាននិយាយកាលពីថ្ងៃសុក្រថា អតិផរណា នឹងនៅតែអាចគ្រប់គ្រងបាន ទោះបីជាវាមាននិន្នាការកើនឡើងខ្ពស់ជាង បន្ទាប់ពីការកាត់បន្ថយការឧបត្ថម្ភធនប្រេងម៉ាស៊ូតក្នុងខែមិថុនាក៏ដោយ។

ធនាគារ BNM បាននិយាយថា អតិផរណាធំ​និងស្នូលជាមធ្យម ១.៨% នៅក្នុងឆមាសទី១នៃឆ្នាំ ២០២៤ ។ អតិផរណា នឹងមានចន្លោះពី ២% ទៅ ៣.៥% សម្រាប់ឆ្នាំនេះ។

ក្រុមអ្នកវិភាគ រំពឹងថា ធនាគារ BNM នឹងរក្សាអត្រាការប្រាក់មិនផ្លាស់ប្តូរសម្រាប់រយៈពេលដែលនៅសេសសល់នៃឆ្នាំនេះ ដោយបង្ហាញពីហានិភ័យនៃអតិផរណាខ្ពស់ជាង ខណៈដែលម៉ាឡេស៊ី បន្តតាមកាត់បន្ថយការឧបត្ថម្ភធនបន្ថែមទៀត។ រដ្ឋាភិបាល ​មាន​គម្រោង​កែសម្រួល​ការ​ឧបត្ថម្ភធន​សម្រាប់​ប្រេងឥន្ធនៈ RON95 ប៉ុន្តែ​មិន​ទាន់​បាននិយាយ​ថា ​សំណើ​នេះ ​នឹង​ត្រូវ​អនុវត្ត​នៅពេលណា​នៅឡើយ​ទេ​។

លោក Mohd Afzanizam Abdul Rashid បាននិយាយថា៖ “យើងជឿជាក់ថា ធនាគារ BNM នឹងបន្តមានការប្រុងប្រយ័ត្នក្នុងការអនុវត្តគោលនយោបាយរូបិយវត្ថុរបស់ពួកគេ ជាពិសេសលើផ្នែកតម្លៃ។ ពួកគេបានរក្សាការព្យាករណ៍អតិផរណារបស់ពួកគេ ដែលបង្ហាញពីកម្រិតមិនប្រាកដប្រជា លើការរំពឹងទុកនៃអតិផរណារបស់ប្រទេសនេះ”។

នៅក្នុងកំណត់ត្រាមួយ Capital Economics បាននិយាយថា ថ្វីបើមានលទ្ធផលល្អប្រសើរជាងការរំពឹងទុកក៏ដោយ ក៏គេនៅតែរំពឹងថា ប្រទេសម៉ាឡេស៊ី នឹងប្រឈមមុខនឹងការធ្លាក់ចុះនៅពេលខាងមុខ ចំពេលដែលមានការធ្លាក់ចុះនៃតម្លៃទំនិញ ហានិភ័យអតិផរណា និងការថយចុះនៃការមកដល់នៃភ្ញៀវទេសចរ៕

កូនស្រីពៅរបស់អតីតមេដឹកនាំថៃ លោកថាក់ស៊ីន ស៊ីណាវ៉ាត្រា បានឈ្នះការបោះឆ្នោតសភា ដើម្បីក្លាយជានាយករដ្ឋមន្ត្រីថ្មីរបស់ប្រទេសអាស៊ីអាគ្នេយ៍មួយនេះ ដោយបញ្ចប់ភាពច្របូកច្របល់ ដែលគេឃើញតុលាការបណ្តេញនាតយករដមន្ត្រីមុន និងរំលាយគណបក្សប្រឆាំងកំពូល។

លោកជំទាវ ផែថងថាន ស៊ីណាវ៉ាត្រា (Paetongtarn Shinawatra) វ័យ៤៧ឆ្នាំ ទទួលបានការគាំទ្រពីសមាជិកសភាចំនួន ៣១៩ នាក់នៅក្នុងសភាតំណាងរាស្រ្តដែលមានសមាជិក ៥០០រូប ដែលធ្វើឱ្យលោកស្រីក្លាយជានាយករដ្ឋមន្ត្រីក្មេងបំផុតរបស់នេះមិនធ្លាប់មានពីមុនមក។ ការហក់ឡើងរបស់លោកជំទាវនៅតែរក្សាភាពស្អិតរមួតរវាងគណបក្សភឿថៃដែលគ្រប់គ្រងដោយត្រកូលស៊ីណាវ៉ាត្រា និងគណបក្សអភិរក្សនិយមរាជានិយម និងគណបក្សគាំទ្រដោយយោធាមួយចំនួន ដែលបានចូលរួមនឹងគ្នា បន្ទាប់ពីការបោះឆ្នោតកាលពីឆ្នាំមុន។

លោកជំទាវ អ៊ុងអ៊ីង (ស្តាំ) ក្លាយជានាយករដ្ឋន្ត្រថៃ ទី៣១ ស្នងតំណែថលោកឪពុក លោកថាក់ស៊ីន

លោកជំទាវ​ផែថងថាន បង្ហាញនូវភាព​ភ័យ​ព្រួយ​នៅពេល​ថ្លែង​ទៅ​កាន់​ក្រុមអ្នក​កាសែត​ជា​លើក​ដំបូង​បន្ទាប់​ពី​ការ​បោះឆ្នោត​សភា។ លោកជំទាវ បានបដិសេធមិនឆ្លើយសំណួរណា ដែលស្តីពីគោលនយោបាយរបស់រដ្ឋាភិបាលរបស់លោកស្រី ដោយបញញជាក់ថា លោកជំទាវ នឹងរង់ចាំរហូតដល់ការតែងតាំងរបស់លោកជំទាវ ត្រូវបានអនុម័តដោយព្រះមហាក្សត្រ មហា វីជ្ជរ៉ាឡុងកន (Maha Vajiralongkorn) ។

លោកជំទាវ ផែថងថាន បាននិយាយដោយសំឡេងញ័រថា៖ “ខ្ញុំមិនដែលគិតថា ខ្ញុំជាមនុស្សឆ្លាតបំផុតនៅក្នុងបន្ទប់នោះទេ ប៉ុន្តែខ្ញុំមានការជំរុញទេកចិត្តច្បាស់លាស់ ហើយខ្ញុំមានក្រុមខ្លាំងនៅជាមួយខ្ញុំ។ ឪពុក​​ខ្ញុំ បានផ្ញើសារតាម Facetime ប្រាប់​ខ្ញុំ​ឲ្យ​ធ្វើ​ឲ្យ​អស់​ពី​សមត្ថភាព។ គាត់ ​បាន​និយាយ​ថា គាត់​សប្បាយ​ចិត្ត​ដែល​បាន​ឃើញ​កូន​ស្រី​របស់​គាត់ នៅ​ក្នុងតំណែងនេះ មុន​ពេល​គាត់​កើត​ជំងឺ​ចាស់ភ្លេចភ្លាំង»។

លោកជំទាវ ផែថងថាន ហៅអ៊ុងអ៊ីន ក្លាយជាសមាជិកទី៣នៃត្រកូលស៊ីនណាវ៉ាត្រា ដ៏មានឥទ្ធិពលក្នុងការដឹកនាំប្រទេស។ ឪពុករបស់លោកជំទាវ ត្រូវបានបណ្តេញពីអំណាច នៅក្នុងរដ្ឋប្រហារឆ្នាំ ២០៦ ខណៈពេលដែលម្តាយមីង គឺលោកទាវ យីងឡាក់ ស៊ីណាវ៉ាត្រា (Yingluck Shinawatra) ត្រូវបានដកហូតសិទ្ធិដោយតុលាការ១ បន្តិចមុនពេលយោធាឡើងកាន់កាប់នៅឆ្នាំ ២០១៤។

លោកជំទាវ ផែថងថាន ត្រូវ​បាន​ជ្រើសតាំង​ឱ្យ​កាន់​តំណែង​កំពូលនេះ ​បន្ទាប់​ពី​តុលាការ​ធម្មនុញ្ញ​របស់​ថៃបាន​បណ្តេញ​លោក ស្រេថា ថាវីស៊ីន ពីតំណែងនោះ ក្នុង​សំណុំរឿង​រំលោភ​ក្រមសីលធម៌។ ការកាន់តំណែងរយៈពេល ១១ខែរបស់គាត់ គេបានឃើញ គណបក្សរបស់គាត់ធ្លាក់ចុះប្រជាប្រិយភាព ខណៈដែលបក្សឆ្ពោះទៅមុខ ដែលត្រូវបានរំរំលាយ- ជាបក្សឈ្នះអាសនៈច្រើនជាងគេនៅក្នុងការបោះឆ្នោតកាលពីឆ្នាំមុន ហើយពេលនេះក្លាយជាគូប្រជែងសំខាន់របស់ស្ថាប័នរាជានិយម – កើនប្រជាប្រិយជាលំដាប់។

យោងតាមរបាយការណ៍ប្រព័ន្ធផ្សព្វផ្សាយក្នុងស្រុកកាលពីថ្ងៃសុក្រ ឲ្យដឹងថា ខណៈលោកជំទាវ ផែថងថាន អាចបន្តគោលនយោបាយជាច្រើន ដែលរដ្ឋបាលរបស់ស្រេថា អនុវត្ត, លោកជំទាវ អាចនឹងបោះបង់ចោលផែនការចែកលុយម្នាក់ ១០០០០ បាត (285 ដុល្លារ) ដល់មនុស្សពេញវ័យប្រមាណ ៥០លាននាក់ ដើម្បីជំរុញសេដ្ឋកិច្ច ។ កាសែត Krungthep Turakij ជាភាសាថៃបានរាយការណ៍ថា សមាជិកភាគច្រើននៃគណៈរដ្ឋមន្ត្រីរបស់លោក ស្រេថា អាចនៅតែកាន់តួនាទីរបស់ពួកគេដដែល ខណៈ លោក ភីឆៃ ឈុនហាវជ្ជរ៉ា (Pichai Chunhavajira) ដែលដឹកនាំក្រសួងហិរញ្ញវត្ថុ អាចនឹងត្រូវគេជំនួស។

ក្រៅពីការរក្សាសម្ព័ន្ធភាពជាមួយគ្នា លោកជំទាវផែថងថាន នឹងត្រូវស្វែងរកមធ្យោបាយ ដើម្បីលើកស្ទួយកំណើនសេដ្ឋកិច្ចដែលយឺត, ទាក់ទាញការវិនិយោគបរទេសទៅក្នុងឧស្សាហកម្មបច្ចេកវិទ្យាខ្ពស់ និងទប់ស្កាត់ការហូរចេញ នៃមូលនិធិបរទេសពីផ្សារភាគហ៊ុនរបស់ថៃ។

លោកជំទាវ ផៃថងថាន ស៊ីណាវ៉ាត្រា ប្រធានាបក្សភឿថៃ ក្លាយជា​នាយករដ្ឋមន្ត្រីបន្ទាប់

សន្ទស្សន៍ហ៊ុនគោលរបស់ប្រទេសថៃ គឺស្ថិតក្នុងចំណោមក្រុមហ៊ុនដែលដំណើរការអាក្រក់បំផុតរបស់ពិភពលោកក្នុងឆ្នាំនេះ ជាមួយនឹងមូលនិធិបរទេស កំពុងដកប្រាក់ជាង ៣ពាន់លានដុល្លារក្នុងអំឡុងពេលនេះ។ ប្រាក់បាត បានខាតបង់ប្រហែល ២.៦% ក្នុងឆ្នាំនេះ ហើយក្រុមអ្នកវិនិយោគបរទេស បានលក់មូលបត្របំណុលសុទ្ធចំនួន ៦៩១លានដុល្លារក្នុងសប្តាហ៍នេះ ជាសញ្ញាមួយបង្ហាញថា ក្រដាសប្រាក់នេះ កំពុងបាត់បង់ការតម្លៃរបស់វាហើយ។

និស្សិតបញ្ចប់ការសិក្សា នៅសាកលវិទ្យាល័យ Surrey រូបនេះ ពីមុនបានអនុគ្រោះអត្រាការប្រាក់ទាប និងបានរិះគន់ធនាគារកណ្តាល ដោយនិយាយថាស្វ័យភាពរបស់ខ្លួនបានបង្កជា “ឧបសគ្គ” ក្នុងការដោះស្រាយបញ្ហាសេដ្ឋកិច្ចរបស់ប្រទេស។ ធនាគារ​កណ្តាល​ថៃ ​បាន​រក្សា​ការ​ចំណាយ​លើ​ការ​ខ្ចី​ប្រាក់​ ក្នុង​កម្រិត​ខ្ពស់​មួយ​ទសវត្សរ៍ ​ក្នុង​អត្រា ២,៥% ដោយ​មិន​អើពើ​នឹង​ការការអំពាវនាប​ពី​លោក ស្រេតថា និង​ជំនួយការ​របស់លោក ​ដើម្បី​កាត់​បន្ថយ​អត្រា​ការ​ប្រាក់។

លោកជំទាវ ផែថងថាន បាននិយាយកាលពីថ្ងៃសុក្រថា៖ “ខ្ញុំបានសម្រេចចិត្តថា វាដល់ពេលដែលត្រូវធ្វើអ្វីមួយសម្រាប់ប្រទេស និងគណបក្សនេះហើយ។ ខ្ញុំ​សង្ឃឹម​ថា ​ខ្ញុំ​អាច​ធ្វើ​អស់​ពី​សមត្ថភាព ​ដើម្បី​ធ្វើ​ឱ្យ​ប្រទេសនេះ​ដើរ​ទៅ​មុខ។ នោះគឺជាអ្វីដែលខ្ញុំព្យាយាមធ្វើ។ ថ្ងៃនេះ​ ខ្ញុំ​មាន​អារម្មណ៍​ថា ​មាន​កិត្តិយស និង​រីករាយ​ខ្លាំង​ណាស់​»​។

ការគាំទ្រពីក្រុមអភិរក្សនិយម ចំពោះរដ្ឋាភិបាលដែលដឹកនាំដោយគណបក្សភឿថៃ គឺជាសញ្ញាមួយបង្ហាញថា កិច្ចព្រមព្រៀងរវាងក្រុមគាំទ្ររាជានិយម ដែលអនុញ្ញាតឱ្យលោកថាក់ស៊ីន វិលត្រឡប់ពីការនិរទេសខ្លួនរយៈពេល ១៥ឆ្នាំគឺស្ថិតក្នុងសភាពដដែល។ គណបក្សប្រឆាំងធំ ដែលពេលនេះត្រូវគេស្គាល់ថា ជាគណបក្សប្រជាជន កំពុងស្វែងរកកំណែទម្រង់ច្បាប់១ ដែលការពារព្រះមហាក្សត្រ និងក្រុមរាជ្យវងកំពូលជាច្រើនទៀត អំពីការរិះគន់។

ទោះបីជាជ័យជម្នះរបស់លោកជំទាវ បានបញ្ចប់ត្រឹមរយៈពេលខ្លី១ នៃភាពមិនប្រាកដប្រជាខាងនយោបាយក៏ដោយ ក៏វានៅតែនៅឆ្ងាយពីភាពប្រាកដប្រជាថា រដ្ឋាភិបាលរបស់លោកជំទាវ នឹងមានស្ថិរភាពពិតប្រាកដ។ ស្រមោល​ឪពុក​របស់​លោកជំទាវ ​ដែល​ជា​អតីត​នាយក​រដ្ឋមន្ត្រី​២​សម័យកាល ​ដែល​នៅ​តែ​មាន​ឥទ្ធិពល​ច្រើន​លើ​នយោបាយ​ថៃ ​នឹង​លេច​ចេញ​នៅពីក្រោយ​ការ​ដឹកនាំ​របស់លោកជំទាវ។

សាស្ត្រាចារ្យរងនៅសាកលវិទ្យាល័យ Mahidol ក្នុងប្រទេសថៃ លោក ពុនឆាដា ស៊រីវុណ្ណាបុត (Punchada Sirivunnabood) បាននិយាយថា៖ “លោកជំទាវ នឹងក្លាយជាអាយ៉ងរបស់ឪពុកនាង ហើយទំនងជាមិនអាចធ្វើអ្វីបានច្រើនទេ” ។ បញ្ហា នៅតែមានថា តើលោកជំទាវ នឹងអាចដោះស្រាយបញ្ហាសេដ្ឋកិច្ច បានយ៉ាងណា បើសូម្បីតែ លោកស្រេថា ធ្វើមិនបានផង”៕

សភាតំណាងរាស្រ្តថៃ កាលពីថ្ងៃសុក្រទី១៦ សីហា បានបោះឆ្នោតជ្រើសតាំងមេដឹកនាំគណបក្សភឿថៃលោកជំទាវ ផែថងថាន ស៊ីណាវ៉ាត្រា ហៅ “អ៊ុង អ៊ីង”  ជានាយករដ្ឋមន្ត្រីទី៣១ របស់ប្រទេស ជាមួយនឹងសម្លេងគាំទ្រ ៣១៩សម្លេងទល់នឹង ១៤៥សម្លេង និង ២៧សសម្លេង អនុប្បវាទ។

អគ្គលេខាធិការបក្សភឿថៃ លោក សូរវង្ស ធៀងថង (Sorawong Thiengthong) កាលពីព្រឹកថ្ងៃសុក្រ នេះ បានតែងតាំងលោកស្រី ផែថងថាន ជាបេក្ខជននាយករដ្ឋមន្ត្រីតែ១គត់ នៅពេលដែលប្រធានសភា លោក វ៉ាន់ មហាម៉ាត់ ន័រ ម៉ាថា (Wan Muhamad Noor Matha) បានចាប់ផ្តើមកិច្ចប្រជុំសភានៅម៉ោង ១០ ព្រឹកនេះ។

ចលនានេះត្រូវបានគាំទ្រដោយសមាជិកសភាចំនួន ២៩១រូប។ លោកជំទាវ ផែថងថាន វ័យ៣៧ ឆ្នាំ មិនមានវត្តមាន នៅក្នុងកិច្ចប្រជុំនោះទេ។

សមាជិករដ្ឋាភិបាល និងសមាជិកសភា គណបក្សប្រឆាំង បានក្រោកឡើងជជែកគ្នាពីការតែងតាំងនេះ មុនពេលការបោះឆ្នោតចាប់ផ្តើមនៅម៉ោង ១១.១១នាទី ព្រឹក និងត្រូវបានប្រកាសជាផ្លូវការ នៅម៉ោង ១២.៣៤នាទី រសៀល។

ជ័យជំនះរបស់លោកជំទាវ ផែថងថាន បានមកពីការគាំទ្រលើសលុប​ពីសមាជិកសមាជិកា​បក្ស ក្នុងរដ្ឋាភិបាលចម្រុះ

មាន​តំណាង​សភា​ជាប់​ឆ្នោត​ចំនួន ៤៩៣រូប ហើយលោកស្រី ថែថងថាន ត្រូវការសំឡេងភាគច្រើនធម្មតា ២៤៨ សំឡេងប៉ុណ្ណោះ។ សមាជិកសភាសរុបចំនួន ៤៨៩រូប មានវត្តមាន នៅក្នុងសភាកាលពីថ្ងៃសុក្រ។

កូនស្រីវ័យ៣៧ ឆ្នាំរបស់អតីតនាយករដ្ឋមន្ត្រី និងជាបុព្វបុរសរបស់បក្សភឿថៃ លោកថាក់ស៊ីន ស៊ីណាវ៉ាត្រា ក្លាយជានាយករដ្ឋមន្ត្រីក្មេងបំផុត ក្នុងប្រវត្តិសាស្ត្ររបស់ប្រទេសនេះ។ លោកស្រី​ បាន​ស្នង​តំណែង​ពី​លោក ស្រេថា ថាវីស៊ីន ដែល​ត្រូវ​បាន​តុលាការ​ធម្មនុញ្ញ​បណ្តេញ​ចេញ​កាលពី​ថ្ងៃ​ពុធ​ ពី​បទ​រំលោភ​ក្រមសីលធម៌។

លោកជំទាវ ផែថងថាន ស៊ីណាវ៉ាត្រា ហៅ អ៊ុងអ៊ីង (ស្តាំ) ក្លាយជានាយករដ្ឋន្ត្រថៃ ទី៣១ ស្នងតំណែងលោកឪពុក លោកថាក់ស៊ីន

• សន្តតិវង្សស៊ីណាវ៉ាត្រា

លោកជំទាវ ផែថងថាន គឺជាសមាជិកទី៣នៃត្រកូលស៊ីណាវ៉ាត្រា ដែលកាន់តំណែងនេះ បន្ទាប់ពីលោក ថាក់សែង និងម្តាយមីង លោកស្រី យីងឡាក់។ លោក ស៊ុមឆៃ វងើសាវ៉ាត់ ដែលប្អូនថ្លៃបង្កើតរបស់លោកថាក់ស៊ីន ក៏បានបំពេញការងារនេះ១រយៈពេលខ្លី ក្នុងឆ្នាំ ២០០៨។ ទាំងលោកថាក់ស៊ីន និងទាំងប្អូនស្រីរបស់លោក លោកស្រី យីងឡាក់ សុទ្ធតែបានភៀសខ្លួនទៅនិរទេស បន្ទាប់ពីរដ្ឋប្រហារយោធាប្រឆាំងនឹងរដ្ឋាភិបាលរបស់ពួកគាត់។

លោកថាក់ស៊ីន បានត្រឡប់មកប្រទេសថៃវិញកាលពីខែសីហាឆ្នាំមុន និងត្រូវបានកាត់ទោសឱ្យជាប់ពន្ធនាគាររយៈពេល៨ឆ្នាំ ក្រោយមកក៏ត្រូវបានកាត់បន្ថយមកត្រឹម១ឆ្នាំតាម ការលើកលែងទោសពីព្រះមហាក្សត្រ ពីបទរំលោភអំណាច និងទំនាស់ផលប្រយោជន៍ ក្នុងពេលកាន់តំណែងពីឆ្នាំ ២០០១-០៦។ លោកមិនបានចំណាយពេល១យប់ណានៅក្នុងការឃុំឃាំងទេ និងត្រូវបានដោះលែង បន្ទាប់ពីស្នាក់នៅរយៈពេល៨ នៅមន្ទីរពេទ្យប៉ូលិសទូទៅ។

កាល​ពី​ថ្ងៃ​ព្រហស្បតិ៍ គ្រប់បក្សក្នុង​រដ្ឋាភិបាល​ចម្រុះ ​បាន​យល់​ព្រម​គាំទ្រ​មេដឹកនាំ​បក្ស​ភឿថៃ លោក ជំទាវ ផែថងថាន ដើម្បីជ្រើស​រើស​ជា​បេក្ខភាព​ សម្រាប់នាយក​រដ្ឋមន្ត្រី។

កាល​ពី​ថ្ងៃ​ពុធ តុលាការ​ធម្មនុញ្ញ​បាន​ដក​លោក ស្រេតថា ពី​មុខ​តំណែង​នាយក​រដ្ឋមន្ត្រី បន្ទាប់​ពី​រក​ឃើញ​ថា ​លោក​មាន​ទោស​ពី​បទ​រំលោភ​លើ​បទដ្ឋាន​សីលធម៌ ដោយ​តែងតាំង​លោក ភីជិត ឈឺបាន (Pichit Chuenban) ជា​រដ្ឋមន្ត្រី​នៃទីស្តីការ​នាយករដ្ឋមន្ត្រី សូម្បីតែ​លោកមានប្រវត្ត​ជាប់​ពន្ធនាគារ​ក្តី។

លោកភីជិត ធ្លាប់​ត្រូវ​បាន​ចោទ​ប្រកាន់​ថា​បាន​ព្យាយាម​សូក​ប៉ាន់​មន្ត្រី​តុលាការ​កំពូល និង​ត្រូវ​បានពន្ធធនាគារ​រយៈពេល​៦​ពី​បទ​មើលស្រាល​តុលាការ។

មេដឹកនាំបក្សប្ជាជន លោកណាថាភុង រឿងបញ្ញាវុធ ជំទាស់ មិនបោះឆ្នោតឱ្យទេ

• នៅតែអ្នកប្រឆាំង

លោក ណាថាភុង រឿងប៉ាន់យ៉ាវុធ (Natthaphong Ruengpanyawut) មេដឹកនាំបក្សប្រឆាំង បាននិយាយពីថ្ងៃព្រហស្បតិ៍ថា គណបក្សប្រជាជន នឹងមិនបោះឆ្នោតឱ្យបេក្ខជននាយករដ្ឋមន្ត្រី របស់គណបក្សភឿថៃទេ។ នៅ​ថ្ងៃ​ដដែល ប្រឆាំង១ទៀត គណបក្ស​ប្រជាធិបតេយ្យ​ ​ដែល​មាន​សមាជិក​សភា​ចំនួន ២៥​រូប បានរួមគ្នាជាឯកច្ឆ័ន្ទ​​ បោះ​ឆ្នោត​ជា​អនុប្បវាទ ។

គណបក្ស​ប្រជាជន ​គឺជា​បក្ស​ចាប់បដិសន្ធិ​ចុងក្រោយ​បង្អស់ ​នៃ​គណបក្ស​ឆ្ពោះ​ទៅមុខ (MFP) ដែល​ត្រូវ​បាន​​តុលាការ​ធម្មនុញ្ញ​រំលាយកាលពី​សប្តាហ៍​មុន។ តុលាការ ​បាន​សម្រេច​ថា បក្ស​ឆ្ពោះទៅមុខ​ មាន​ទោស​ពីបទ​ធ្វើ​ឲ្យ​ប៉ះពាល់​ដល់​របបរាជានិយម​អាស្រ័យ​រដ្ឋធម្មនុញ្ញ និង​សន្តិសុខ​ជាតិ។

បក្សឆ្ពោះទៅមុខ បានឈ្នះការបោះឆ្នោតឆ្នាំ ២០២៣ ប៉ុន្តែមិនអាចបង្កើតរដ្ឋាភិបាលបានទេ ដោយសារសមាជិកព្រឹទ្ធសភាខាងយោធា បានជំទាស់នឹងសំណើររបស់ខ្លួន ក្នុងការកែប្រែច្បាប់ប្រមាថព្រះមហាក្សត្រ។ បន្តមក គណបក្ស​ភឿថៃ​ដែល​ជាប់លេខ២ ​បាន​បង្កើត​ក្រុម​ចម្រុះ​ថ្មី​១ ដោយគ្មានបក្ស​ឆ្ពោះទៅ​មុខ​ ហើយ​បក្សនោះ ក៏​បានក្លាយទៅ​ជា​បក្ស​ប្រឆាំង។

នៅក្នុងការបោះឆ្នោតកាលពីថ្ងៃសុក្រ ដែលតម្រូវឲ្យជ្រើសរើសនាយករដ្ឋមន្ត្រីថ្មី គឺជាការបោះឆ្នោតតែក្នុង សភាតំណាងរស្ត្រប៉ុណ្ណោះ  និងមិនត្រូវការសុំសេចក្តីទុក្ខចិត្តពីសមាជិកព្រឹទ្ធសភានោះឡើយ៕

នាយករដ្ឋមន្រ្តីជប៉ុន ដែលទើបនឹងចេញពីអំណាច លោក ហ្វូមីអូ គីស៊ីដា (Fumio Kishida) បានជំរុញឱ្យសហការីរបស់លោក ទទួលយកការកែទម្រង់ និង រកឲ្យឃើញនាយករដ្ឋមន្ត្រីថ្មីដែលនឹងផ្លាស់ប្តូរគណបក្សកំពុងកាន់អំណាច មិនមានប្រជាប្រិយ មួយនេះជាមួយនឹងទស្សនវិស័យបោះឆ្នោតមិនច្បាស់លាស់។

លោកគីស៊ីដា វ័យ៦៧ឆ្នាំ កាលពីថ្ងៃពុធ បានប្រកាសថា លោកនឹងមិនឈរឈ្មោះ សម្រាប់ការបោះឆ្នោតជាថ្មី ជាប្រធានគណបក្សប្រជាធិបតេយ្យសេរី(LDP)ក្នុងខែក្រោយនេះ ចំពេលដែលមានអត្រាការគាំទ្រសាធារណៈទាបបំផុតដែលមិនធ្លាប់មាន ត្រូវបានកត់ត្រាដោយគណបក្សដែលញាំញីដោយរឿងអាស្រូវ ដែលបានគ្រប់គ្រងប្រទេសជប៉ុនភាគច្រើនបំផុត ក្នុងរយៈពេល៨ទសវត្សរ៍កន្លងមកនេះ និងបានធ្វើឱ្យចំណាយសមរាប់ការរស់នៅ កើនឡើង នៅក្នុងអាណត្តិ៣ឆ្នាំរបស់លោក។

នៅក្នុងសន្និសីទសារព័ត៌មានមួយ លោកគីស៊ីដា បាននិយាយថា៖ “វាចាំបាច់ត្រូវបង្ហាញប្រជាជន ពីរបៀបដែល LDP បានវិវត្ត និងបានកកើតជាថ្មី” ។

នៅក្នុងការស្ទង់មតិមួយ ដែលចេញផ្សាយដោយទូរទស្សន៍សាធារណៈ NHK ក្នុងខែនេះ ដែលមានតែអ្នកឆ្លើយតមតែ១/៤ប៉ុណ្ណោះ បាននិយាយថា ពួកគេបានគាំទ្ររដ្ឋាភិបាលរបស់លោក រីឯជាងពាក់កណ្តាលទៀត ដែលមិនបានគាំទ្រទេ។

ការបោះឆ្នោតទូទៅមួយ ត្រូវរៀបចំធ្វើឡើងក្នុងត្រីមាសទី៣ នៃឆ្នាំ ២០២៥ ដោយផ្តល់ឱ្យប្រធានគណបក្សថ្មី ត្រឹមតែជាង១ឆ្នាំប៉ុណ្ណោះ ដើម្បីស្តារកិត្តិយសរបស់គណបក្សឡើងវិញ។

លោក Rintaro Nishimura សហការី នៃក្រុមហ៊ុនប្រឹក្សាយុទ្ធសាស្ត្រ The Asia Group ដែលមានមូលដ្ឋាននៅទីក្រុងវ៉ាស៊ីនតោន បាននិយាយថា៖ “មេដឹកនាំថ្មីនេះ ត្រូវតែមានមុខមាត់ស្រស់ថ្លា មិនថាគាត់មានន័យថាក្មេង ឬមិនមានទំនាក់ទំនងជាមួយ គីស៊ីដា តែត្រូវមានគំនិតកែទម្រង់”។

លោក Taro Kono (ឆ្វេង), លោក Toshimitsu Motegi (កណ្តាល) និងលោក Shigeru Ishiba នឹងអាចក្លាយជានាយករដ្ឋមន្ត្រីជប៉ុន បន្ទាប់

លោក​បាន​បន្ត​ថា ចំណុចទាំងនោះ ​នឹងបដិសេធយ៉ាង​មាន​ប្រសិទ្ធភាព នូវរាល់បេក្ខភាព​ដែល​បង្កើត​ឡើង​ ដូចជា​អគ្គលេខាធិការ​បក្ស លោក តូស៊ីមីស៊ូ ម៉ូតេគី (Toshimitsu Motegi) ជាដើម។

លោកម៉ូតេគី វ័យ៦៨ឆ្នាំ ដែលជាអ្នកខាងក្នុងបក្ស LDP ដែលបានដឹកនាំក្រសួងការបរទេស និងពាណិជ្ជកម្ម មិនទាន់បាននិយាយថា តើគាត់នឹងឈរឈ្មោះឬអត់ទេ។ ក្នុងចំណោមអ្នកជំនួសតំណែងដ៏មានសក្តានុពលរបស់ លោកគីស៊ីដា លោកម៉ូតេគី មានសម្ព័ព្ធភាពយ៉ាងជិតស្និទ្ធបំផុតជាមួយនឹងប្រភេទ នៃបេក្ខជន ប្រឆាំង ដែលបក្សLDP បានបង្រួបបង្រួមជាប្រវត្តិសាស្ត្រកាលពីអតីតកាល។

ទោះ​ជា​យ៉ាង​ណា ការ​ស្ទង់​មតិ​ថ្មីៗ ​បង្ហាញ​ថា រូបលោក​មិន​មែន​ជា​ជម្រើស​របស់​សាធារណជន​ទេ។

ការស្ទង់មតិដែលចេញផ្សាយដោយប្រព័ន្ធផ្សព្វផ្សាយក្នុងស្រុកក្នុងប៉ុន្មានសប្តាហ៍កន្លងមកនេះ បានបង្ហាញថា អតីតរដ្ឋមន្ត្រីការពារជាតិ ស៊ីគើរុ អ៊ីស៊ីបា (Shigeru Ishiba) វ័យ៦៧ឆ្នាំ គឺជាបេក្ខជនដ៏ពេញនិយមបំផុត ដើម្បីស្នងតំណែងលោកគីស៊ីដា ។ ជាមួយសំឡេង​មិន​ពេញ​ចិត្ត​ដ៏កម្រនៅ​ក្នុង​បក្ស​កាន់​អំណាច លិកអ៊ីស៊ីបា បាន​ឈរឈ្មោះ និង​ចាញ់​ក្នុង​ការ​ប្រកួត​ប្រជែង​ថ្នាក់​ដឹកនាំរបស់ LDP ចំនួន៤ដងហើយ។ ទោះបីជាយ៉ាងណាក៏ដោយ នៅក្នុងការស្ទង់មតិអ្នកបោះឆ្នោតដែលចេញផ្សាយដោយ Kyodo News កាលពីខែមុន លោក ត្រូវបានគាំទ្រដោយ ២៨.៤% នៃអ្នកឆ្លើយតប ខណៈ នតែ ២.៥% ប៉ុណ្ណោះដែលជ្រើសរើសយក លោកម៉ូតេគី ។

នៅចំណាត់ថ្នាក់ទី២ សម្លេង ១២.៧% គាំទ្រលោក ស៊ីនជីរ៉ូ កូអ៊ីហ្សូមី (Shinjiro Koizumi) អតីតរដ្ឋមន្ត្រីបរិស្ថាន និងជាកូនប្រុសរបស់អតីតនាយករដ្ឋមន្ត្រី ជូនីឈីរ៉ូ កូអ៊ីហ្សូមី (Junichiro Koizumi) ដែលមាមវ័យ៤៣ឆ្នាំ នឹងតំណាងឱ្យការផ្លាស់ប្តូរជំនាន់ដ៏កម្រ ក្នុងការដឹកនាំ បើសិនជា LDP ជ្រើសរើស។

ដោយហៅការផ្លាស់ប្តូររបស់ លោកគីស៊ីដា ថា ជាការសម្រេចចិត្តដ៏អស្ចារ្យ, លោក ណូបួ កូអ៊ីដេ រស់នៅទីក្រុងតូក្យូអាយុ ៨២ឆ្នាំបានប្រាប់រ៉យទ័រថា៖ “វាជាពេលវេលាសម្រាប់ការផ្លាស់ប្តូរអំណាចរវាងជំនាន់ និងជំនាន់ហើយ”។

ទោះជាយ៉ាងណាក៏ដោយ បុរសចូលនិវត្តន៍រូប ក៏ដូចជាសមាជិកសាធារណៈភាគច្រើនបំផុតដែរ នឹងមិនមានពាក្យនិយាយជុំវិញការជ្រើសរើសនាយករដ្ឋមន្ត្រីបន្ទាប់របស់ជប៉ុននេះទេ។

នៅជុំទី១នៃការបោះឆ្នោត LDP នៅខែក្រោយ, នៅពេលដែលសម្លេងឆ្នោត នឹងត្រូវបានបែងចែកស្មើៗគ្នារវាងសមាជិកសភា និងសមាជិកតាមលំដាប់ថ្នាក់ ផ្នែកបេក្ខជន នឹងរួមតូចមកនៅ២ បើសិនជាគ្មាននរណាម្នាក់ ទទួលបានសំឡេងភាគច្រើន។

នៅក្នុងជុំទី២ សមាជិកសភានឹងកាន់សំឡេងភាគច្រើន ដោយផ្តល់អត្ថប្រយោជន៍ដល់បេក្ខជនដែលមានការគាំទ្រពីគណបក្សធំ៕