ការកាត់ទោសសេដ្ឋីនីអចលនទ្រព្យ អ្នកស្រីទ្រឿង មីឡាន (Truong My Lan) ពីបទឆបោកប្រាក់ចំនួន ៣០លានលានដុង (១.២ ពាន់លានដុល្លារ) ពីក្រុមអ្នកវិនិយោគមូលបត្របំណុល និងបទឧក្រិដ្ឋដែលបានចោទប្រកាន់ផ្សេងទៀត បានចាប់ផ្តើមនៅតុលាការប្រជាជននៃទីក្រុងហូជីមិញកាលពីថ្ងៃព្រហស្បតិ៍។

ក្នុងអាវដៃវែងពណ៌ខៀវ និងពាក់ម៉ាស់ អ្នកស្រី ​ត្រូវ​បាន​គេ​នាំចូលបន្ទប់តុលាការ ​នៅ​ម៉ោង​ប្រហែល ៧ និង ៤៥ នាទី​ព្រឹក ហើយ​នឹង​ត្រូវ​កាត់​ទោស​រួម​ជាមួយ​បុគ្គល៣៣ នាក់ ក្នុងនោះមានទាំង​ក្មួយ​ស្រី នាង Truong Hue Van និង​ប្តី លោក Eric Chu។

មេធាវីជិត ១០០នាក់ នឹងការពារជនជាប់ចោទទាំងនោះ ក្នុងនោះមានមេធាវី៤នាក់សម្រាប់អ្នកស្រីឡាន ហើយបុគ្គលចំនួន ៥៣០នាក់ ត្រូវបានកោះហៅពីបទជាប់ពាក់ព័ន្ធ ក្នុងសំណុំរឿងនេះ។កៅអីប្រហែល​១០០០ ​ត្រូវ​បានគេ​រៀបចំ​ នៅ​ក្រៅ​បន្ទប់​សវនាការ​សម្រាប់​ក្រុមអ្នក​ពាក់ព័ន្ធដើម្បីតាម​មើល​ដំណើរការ​នីតិវិធីនេះ។

តុលាការ​ បាន​និយាយ​ថា ក្រុមអ្នក​វិនិយោគ​មូលបត្រ​បំណុល ​មិន​ត្រូវការឱ្យ​ចូល​រួម​ទេ ដោយសារ​ចំនួន ​របស់​ពួកគេ​ច្រើនពេក។ ទោះជាយ៉ាង​ណា​ក៏​ដោយ ពួក​គេខ្លះ ​បាន​បង្ហាញ​ខ្លួន និងបាន​ស្នើ​សុំ​ចូល​រួម។

អ្នកស្រី ឡាន ត្រូវ​បាន​គេ​ចោទ​ប្រកាន់​ថា ​បាន​ធ្វើ​ជា​មេគំនិតផែនការ ដើម្បី​ចេញ​ប័ណ្ណ​សញ្ញាប័ណ្ណ​ចំនួន ២៤ តាម​រយៈ​ក្រុមហ៊ុន​ចំនួន ៤ ដើម្បី​ប្រមូល​ប្រាក់​ចំនួន ៣០.៨៧ពាន់​ពាន់​លាន​ដុង។ ក្រុ​ប័ណ្ណ​សញ្ញាប័ណ្ណទាំងនោះ ត្រូវបានទិញដោយក្រុមវិនិយោគ ៣៥,៨២៤នាក់ ។

អ្នកស្រី ​មិន​បាន​ប្រើ​ប្រាក់នោះ​ក្នុង​គោល​បំណង​ដែល​បាន​គ្រោង​ទុក​នោះ​ទេ ហើយក៏​មិន​បាន​សង​ក្រុមអ្នក​វិនិយោគ​ភាគ​ច្រើនបំផុតនោះ​ទេ។ ក្រុមហ៊ុនទាំង៤នោះ ជំពាក់ប្រាក់ដើមចំនួន ៣០ពាន់ពាន់លានដុង លើមូលបត្របំណុលទាំងនោះ។

អ្នកស្រីឡាន ត្រូវបានគេចោទប្រកាន់ថា បានប្រគល់ភារកិច្ចនោះឱ្យលោក ង្វៀន ភឿងហុង (Nguyen Phuong Hong) ដែលជាអតីតនាយករងនៃធនាគារ SCB ដែលបានស្លាប់ទៅទៅហើយ ជាមួយនឹងការគ្រប់គ្រងប្រាក់ចំណូល នៃការចេញសញ្ញាប័ណ្ណនេះ។

ប្រាក់ចំណួលភាគច្រើនបំផុត ត្រូវបានប្រើដើម្បីសងប្រាក់កម្ចីដែលបុគ្គលជាច្រើនជំពាក់ និងក្រុមហ៊ុនជាច្រើនដែលជាកម្មសិទ្ធិរបស់ក្រុមហ៊ុនអភិវឌ្ឍន៍អចលនទ្រព្យ Van Thinh Phat ដែលជាក្រុមហ៊ុនរបស់អ្នកស្រីឡាន ។ ប្រាក់ចំណូលខ្លះ ក៏ត្រូវបានប្រើប្រាស់សម្រាប់ការចំណាយផ្ទាល់ខ្លួនរបស់អ្នកស្រីឡាន និងក្រុមគ្រួសាររបស់គាត់ដែរ។

អ្នកស្រី និងបក្ខពួករបស់ខ្លួន ក៏ប្រឈមមុខនឹងការចោទប្រកាន់ពីបទដឹកជញ្ជូនដោយខុសច្បាប់នូវសាច់ប្រាក់ចំនួន ៤.៥ ពាន់លានដុល្លារ ចូល និងចេគក្រៅប្រទេសវៀតណាម និងការលាងលុយកខ្វក់ចំនួន ៤៤៥.៧៥ពាន់ពាន់លានដុង ដែលពួកគេបានប្រមូលពីការចេញមូលបត្របំណុលទាំងនោះ។

អ្នកស្រី ទ្រឿង មីឡាន (អាវខៀវ ពាក់ម៉ាស់) នៅក្នុងសវនាការថ្មី១ទៀត នៅក្នុងតុលការ ប្រជាជននៃទីក្រុងហូជីមិញកាលពីថ្ងៃព្រហស្បតិ៍។

នេះ​គឺជា​ដំណាក់​កាល​ទីពីរហើយ ​នៃ​ការ​ស៊ើប​អង្កេត​ប្រឆាំង​នឹងអ្នកស្រី។ មុន​នេះ អ្នកស្រី ​ត្រូវ​បាន​កាត់​ទោស​ប្រហារ​ជីវិត​ពី​បទ​លួច​ប្រាក់​ពីធនាគារ SCB ចន្លោះ​ឆ្នាំ ២០១២ ដល់ ២០២២។

អ្នកស្តី និង​បក្ខពួក​ បាន​ជំពាក់​ធនាគារ​នោះចំនួន ៦៧៧ពាន់​ពាន់​លាន​ដុង ($២៧.៥៤ពាន់​ពាន់​លាន)ដែល​ពួកគេ​បាន​ទទួល​តាមរយៈ​កម្ចី​ចំនួន ១៣០០ ផ្សេង​គ្នា។

តុលាការ ​ក៏​បាន​រក​ឃើញ​ថា អ្នកស្រី ​មាន​ទោស​ពី​បទ​សូកប៉ាន់ និង​បំពាន​បទប្បញ្ញត្តិ​ធនាគារ។ អ្នកស្រី មិនព្រមទទួលស្គាល់រាល់កំហុស និងបានប្តឹងឧទ្ធរណ៍ ចំពោះការកាត់ទោសប្រហារជីវិតនោះ។

ផ្អែកលើលទ្ធផលនៃញត្តិនោះ អ្នកស្រី នៅតែប្រឈមមុខនឹងការជាប់ពន្ធនាគារជាច្រើនទសវត្សរ៍ បន្ទាប់ពីត្រូវបានកាត់ទោសឱ្យជាប់ពន្ធនាគាររយៈពេល២០ ឆ្នាំ លើបទចោទនីមួយៗនៃការចោទប្រកាន់ពីរផ្សេងទៀត នៅឯការជំនុំជម្រះដំបូង៕

ការចាប់ផ្តើមដ៏ក្លាហានរបស់ធនាគារកណ្តាលសហព័ន្ធ (Federal Reserve) ក្នុងការកាត់បន្ថយអត្រាការប្រាក់ ត្រឹម៥០ពិន្ទុមូលដ្ឋាន(០.៥%) និងការប្តេជ្ញាចិត្តរបស់ខ្លួន មិនកាត់បន្ថយតាមក្តីរំពឹងរបស់ទីផ្សារ និងដៃគូធនាគារកណ្តាលនានារបស់ពិភពលោក បានផ្លាស់ប្តូរទម្រង់ជើងមេឃគោលនយោបាយនេះ សម្រាប់ដៃគូទាំងឡាយទូទាំងពិភពលោក ថ្វីបើក្រុមអ្នកវិភាគ យល់ថា ការសម្រេចិត្តនេះ ទំនងជាមានភាពវិជ្ជមានសម្រាប់តែផ្សារភាគហ៊ុនអាស៊ី ខណៈធនាគារកណ្តាលនោះ ផ្តល់ឱ្យធនាគារកណ្តាលនានាក្នុងតំបន់នូវចន្លោះកាន់តែច្រើនទៀត ដើម្បីបន្ធូរបន្ថយគោលនយោបាយពួកគេ។

នាយកប្រតិបត្តិនៃក្រុមហ៊ុន Dalma Capital លោក Gary Dugan បាននិយាយថា ការកាត់បន្ថយអត្រាការប្រាក់នេះ នឹងបន្ថយសម្ពាធ នៃគោលនយោបាយរូបិយវត្ថុដ៏តឹងតែង និងបន្ថយក្តីកង្វល់ អំពីការចុះខ្សោយ នៃរូបិយប័ណ្ណក្នុងស្រុក។

ប្រធានផ្នែកប្តូរប្រាក់បរទេសនៃក្រុមហ៊ុន Jefferies លោក Brad Bechtel បាននិយាយថា លទ្ធផលនេះ គឺល្អសម្រាប់ទ្រព្យសកម្មមានហានិភ័យ និងរូបិយប័ណ្ណដែលមានកម្រៃខ្ពស់ ប៉ុន្តែការប្តូរប្រាក់បរទេស អាចនឹងត្រូវស្ងាត់នៅអាស៊ី ដោយសារប្រាក់យួនចិនដើរតួជាអ្នកសម្របសម្រួល។

នៅទ្វីបអឺរ៉ុប និងប្រទេសអភិវឌ្ឍន៍ខ្លាំងបំផុតផ្សេងទៀត ជាទីដែលក្រុមមន្ត្រីមានទំនោរទទូចថា ការសម្រេចចិត្តនៅក្នុងទីក្រុងវ៉ាស៊ីនតោននេះ មិនប៉ះពាល់ដល់គន្លងគោលនយោបាយផ្ទាល់ខ្លួនរបស់ពួកគេ ភាពកក់ក្តៅអាចមានតែនៅក្នុងសេចក្តីប្រកាសរបស់ប្រធានធនាគារកណ្តាលសហព័ន្ធ លោក Jerome Powell ពីថ្ងៃពុធថា សេដ្ឋកិច្ចអាមេរិក នៅតែស្ថិតក្នុងស្ថានភាពល្អ។

នៅក្នុងទីផ្សារប្រទេសកំពុងរីកចម្រើន ការកាត់បន្ថយ០.៥%របស់ធនាគារសហព័ន្ធ (Fed)កំពុងផ្តល់នូវសម្ពាធដែលបានកាត់បន្ថយលើអត្រាប្តូរប្រាក់ ដែលទទួលអារម្មណ៍ប៉ះពាល់ លើការចំណាយលើបំណុលខ្ពស់បំផុតរបស់អាមេរិកជាច្រើនទសវត្សរ៍មកហើយ។ បញ្ហានេះ ផ្តល់កន្លែងទំនេរដើម្បីគណនាឡើងវិញនូវការកំណត់អត្រាការប្រាក់ផ្ទាល់ខ្លួនរបស់ពួកគេ – ដូចដែលឥណ្ឌូនេស៊ី បានធ្វើនៅក្នុងការកាត់បន្ថយដ៏គួរឱ្យភ្ញាក់ផ្អើលមួយ នៅមុនចំណាត់ការរបស់ធនាគារសហព័ន្ធ ។

លោក Powell និងសហការី បានប្រឈមមុខនឹងហានិភ័យខ្លះ ក្នុងការធ្វើឱ្យសាធារណជនកំពុងភ័យខ្លាចឱ្យដឹងថា ហានិភ័យនៃការធ្លាក់ចុះសេដ្ឋកិច្ច កំពុងកើនឡើង ដោយសារការកាត់បន្ថយច្រើនជាងអ្វីដែលក្រុមអ្នកសេដ្ឋកិច្ចភាគច្រើនបំផុត បានរំពឹងទុក។ ផ្ទុយទៅវិញ លោកបានផ្តល់នូវការធានាជាថ្មីដោយនិយាយថា ការអត់ធ្មត់របស់ធនាគារសហព័ន្ធមិនផ្លាស់ប្តូររហូតមកដល់ពេលនេះ បានទូទាត់រួច ហើយ លើ”ភាគលាភជាច្រើន” ដោយការជំរុញអតិផរណាទំនុកចិត្ត  ដែលបានកើនឡើងដល់កម្រិតខ្ពស់បំផុត ចាប់តាំងពីទសវត្សរ៍ឆ្នាំ ១៩៨០  ត្រូវបានគ្រប់គ្រង។

លោក បានមានប្រសាសន៍ថា ការផ្លាស់ប្តូរពីថ្ងៃពុធគឺជា “សញ្ញានៃការប្តេជ្ញាចិត្តរបស់យើង មិនឱ្យដើរតាម” ទីផ្សារ។ វិនិយោគិនពីដំបូង មានប្រតិកម្មជាមួយនឹងទំនុកចិត្តនេះ ទោះបីជាផ្សារភាគហ៊ុនអាមេរិក បានបិទជាមួយនឹងការធ្លាក់ចុះតិចតួចក៏ដោយ។

ប្រមុខសេដ្ឋវិទូ នៃធនាគារ EFG Bank នៅទីក្រុង Zurich និងជាអតីតអភិបាលរង នៃធនាគារកណ្តាលនៃប្រទេសអៀរឡង់, លោក Stefan Gerlach បាននិយាយថា៖ “ការកាត់បន្ថយ០.៥% របស់ធនាគារ សហព័ន្ធ នឹងរពើតរពើងនៅទូទាំងការសម្រេចចិត្តអត្រាការប្រាក់របស់ធនាគារកណ្តាលផ្សេងទៀត និងនាំឱ្យកើរុមអ្នកក្នុងទីផ្សារ សន្និដ្ឋានថា សេដ្ឋកិច្ចអាមេរិក កំពុងធ្លាក់ចុះ ប្រហែលជាកំពុងនាំទៅរកការធ្លាក់ចុះជាសកលមួយផងដែរ” ។

លោក Gerlach បានបន្ថែមថា វាអាចនឹងល្បួងធនាគារកណ្តាលអឺរ៉ុប(ECB)ឱ្យពិចារណាបញ្ចុះអត្រាការប្រាក់ម្តងទៀតនៅខែក្រោយ ជាលើកទី៣ចាប់តាំងពីខែមិថុនាមក ជាជម្រើសមួយ “ដែលខ្លួន បានស្វែងរកយ៉ាងម៉ឺងម៉ាត់ ដើម្បីរុញច្រានមកវិញ”។

ក្រុមអ្នកធ្វើគោលនយោបាយដឹកនាំ ដោយលោកជំទាវ ប្រធាន Christine Lagarde កំពុងចាកចេញពីផ្លូវរបស់ពួកគេ ដើម្បីសង្កត់ធ្ងន់ថា ពួកគេសម្រេចចិត្តលើគោលនយោបាយដោយឯករាជ្យ។ នៅក្នុងដំណើរឆ្ពោះទៅការកាត់បន្ថយអត្រាការប្រាក់ដំបូងរបស់ ECB ពីខែមិថុនា – នៅពេលដែលសេដ្ឋកិច្ចអាមេរិកនៅតែដំណើរការក្តៅគគុក -លោកជំទាវ Lagarde បានទទូចថា ទង្វើនេះ នឹងត្រូវបានបំផុសគំនិតដោយទិន្នន័យ, មិនមែនដោយសារធនាគារសហព័ន្ធទេ។

ប៉ុន្តែ​ពួកគេ​ ក៏​បាន​ទទួល​ស្គាល់​ដែរ​ថា ​គោល​នយោបាយ​រូបិយវត្ថុ​របស់​អាមេរិក​ មាន​ផល​ប៉ះពាល់​យ៉ាងសំខាន់ ​សម្រាប់​ប្លុក​ប្រទេស​ G-20។ ក្រុមមនុស្សដែលដឹងបញ្ហានេះបាននិយាយកាលពីសប្តាហ៍មុនដែរ ថា ពួកគេ មិនបានច្រានចោលការបញ្ចុះថ្លៃខ្ចីក្នុងខែតុលាទេ ទោះបីជាការវិធានការបែបនេះ មិនទំនងក៏ដោយ ។

ការធ្វើសកម្មភាពនៅខែនោះ ហើយម្តងទៀតនៅក្នុងខែធ្នូ នឹងធ្វើឱ្យ ECB និង Fed មើលឃើញគ្នាទៅវិញ លើទំហំទាំងមូលនៃការកាត់បន្ថយអត្រាការប្រាក់នៅឆ្នាំនេះ។ ក្រុមមន្ត្រីសហរដ្ឋអាមេរិករំពឹងថា ការចំណាយលើបំណុល នឹងមានចំនួន ១០០ពិន្ទុមូលដ្ឋានទាបជាងដំណាច់ឆ្នាំនេះ ដែលការកាត់បន្ថយ មុនវិធានការកាត់បន្ថយ​កន្លះពិន្ទុ កាលពីថ្ងៃពុធ។

ការសិក្សាថ្មីមួយដោយវិទ្យាស្ថានហិរញ្ញវត្ថុអន្តរជាតិ បានបង្ហាញថា ការផ្លាស់ប្តូរអត្រាការប្រាក់នៅអាមេរិកគឺជាកត្តាជំរុញដ៏សំខាន់បំផុត នៃការសម្រេចចិត្តនៅអឺរ៉ុប ចាប់តាំងពីឆ្នាំ ២០២១មក។

លោក Jerome Powell សំឡឹងទៅកាន់ទីផ្សារពិភពលោក ហើយបានកាត់បន្ថយអត្រាការប្រាក់តិចតួចបំផុត

ប្រតិមកម្មទូទាំងពិភពលោក

ប្រមុខសេដ្ឋវិទូរបស់ IIF, លោក Marcello Estevao បាននិយាយថា៖ “ទោះបីជា ECB ធ្វើការសម្រេចចិត្តដោយឯករាជ្យពី Fed ក៏ដោយ ក៏ភាពខុសគ្នានៃអត្រាការប្រាក់ទាក់ទងនឹង Fed អាចមានផលប៉ះពាល់សេដ្ឋកិច្ចពិតប្រាកដនៅក្នុងតំបន់ចាយប្រាក់អឺរ៉ូ ដូច្នេះហើយគួរតែត្រូវបានយកមកពិចារណា” ។ បើមិនដូច្នេះទេ ពួកគេនឹងប្រថុយនឹងការឡើងថ្លៃនៃប្រាក់អឺរ៉ូ ដោយមិនមានការនាំចេញ, សេដ្ឋកិច្ចទន់ខ្សោយ និងការតក់ស្លុត នៃអតិផរណា។

ធនាគារកណ្តាលដែលមានទីផ្សារកំពុងរីកចម្រើននៅក្នុងប្រទេសជាច្រើន ក្នុងនោះមានទាំងបណ្តាប្រទេសនៅឈូងសមុទ្រពែក្ស ដែលភ្ជាប់រូបិយប័ណ្ណរបស់ពួកគេនឹងប្រាក់ដុល្លារ បានអនុវត្តតាម និងថែមទាំងបានទម្លាក់អត្រាការប្រាក់កន្លះពិន្ទុផងដែរ។ អាជ្ញាធររូបិយវត្ថុហុងកុង ក៏បានកាត់បន្ថយអត្រាមូលដ្ឋានរបស់ខ្លួនស្របតាមការផ្លាស់ប្តូររបស់ Fed ដែរ។

នៅថ្ងៃព្រហស្បតិ៍ ធនាគារអង់គ្លេសប្រហែលជានឹងរក្សាគោលនយោបាយមិនផ្លាស់ប្តូរ ខណៈដែលធនាគារកណ្តាលអាហ្វ្រិកខាងត្បូង ត្រូវបានគេរំពឹងថា នឹងកាត់បន្ថយអត្រាការប្រាក់របស់ខ្លួនត្រឹម១/៤%។

យោងតាម ​​​​Bloomberg Economics ឱ្យដឹងថា ប្រតិកម្មដែលទំនងជាមាននៅក្នុងទីផ្សារដែលកំពុងរីកចម្រើន ជាមួយនឹងរូបិយប័ណ្ណលិចអណ្តែត គឺមិនសូវច្បាស់ទេ។ ខណៈដែលពួកគេ បានអនុវត្តតាម Fed ជាញឹកញាប់ពីអតីតកាល, ធនាគារកណ្តាលអាមេរិក បានបង្ហាញការសម្របសម្រួលតិចជាង នៅក្នុងវដ្តបច្ចុប្បន្ន ។

អ្នកស្រី Adriana Dupita និងលោក Alex Isakov នៃក្រុម Bloomberg Economics បានសរសេរក្នុងកំណត់ត្រាមួយថា៖ “ការតាត់ផ្តាច់នេះ គាំទ្រការរំពឹងទុករបស់យើង ថា ប្រទេសសេដ្ឋកិច្ចដែលកំពុងរីកចម្រើន នឹងមានភាពងាយស្រួលជាង Fed នៅឆ្នាំខាងមុខ” ។

ក្រុមមន្ត្រីនៅទីក្រុងហ្សាការតា បានរត់ទៅមុខជាមួយនឹងការកាត់បន្ថយ១/៤%កាលពីថ្ងៃពុធ ហើយអត្រាទាបជាងនៅអាមេរិក បានបង្កើនចន្លោះសម្រាប់ក្រុមអ្នកកំណត់អត្រាការប្រាក់ពីទីក្រុងសេអ៊ូល តហូតទៅទីក្រុងបុមបៃ ដើម្បីចាត់វិធានការផងដែរ ទោះបីជាមានការពិចារណាជាច្រើនទៀត ដូចជាស្ថិរភាពហិរញ្ញវត្ថុ កំពុងដំណើរការក៏ដោយ។

នៅក្នុងប្រទេសជប៉ុន ជាទីដែលធនាគារកណ្តាលទើបតែចាប់ផ្តើមជាមួយនឹងគោលនយោបាយដែលកំពុងរឹតបន្តឹង, ចំណាត់ការរបស់ Fed អាចមានផលលំបាកច្រើនលើអ្វីដែលនឹងកើតមានឡើង។

ធនាគារកណ្តាលជប៉ុន ទំនងជារក្សាអត្រាការប្រាក់មិនផ្លាស់ប្តូរនោះទេ

ធនាគារកណ្តាលជប៉ុន ត្រូវបានគេរំពឹងជាទូទៅថា នឹងរក្សាអត្រាការប្រាក់មិនផ្លាស់ប្តូរ នៅថ្ងៃសុក្រ។ សេដ្ឋវិទូជាន់ខ្ពស់នៅ BE របស់ប្រទេសជប៉ុន លោក Taro Kimura មានប្រសាសន៍ថា ការព្យាករណ៍ដែលបានធ្វើបច្ចុប្បន្នភាពក្នុងខែតុលា អាចនឹងបង្ហាញអាថ៌កំបាំងលើប្រាក់ឈ្នួល និងនិន្នាការតម្លៃកាន់តែក្តៅ និងទាក់ទាញពួកគេឱ្យដំឡើង១/៤%៕

សហស្ថាបនិកក្រុមហ៊ុន TENCENT លោក Pony Ma Huateng បានវិលត្រលប់មកគ្រងចំណាត់ថ្នាក់កំពូល នៃទ្រព្យសម្បត្តិនៅប្រទេសចិនវិញហើយ ដោយធ្វើឱ្យគាត់ក្លាយជាមហាសេដ្ឋីបច្ចេកវិទ្យាថ្មីបំផុ ដែលទទួលបានឋានៈនេះ។

សន្ទស្សន៍មហាសេដ្ឋី Bloomberg បានបង្ហាញថា ទិន្នន័យសេដ្ឋកិច្ចខ្សោយពីប្រទេសសេដ្ឋកិច្ចធំបំផុតទីពីររបស់ពិភពលោកនេះ បានធ្វើឱ្យភាគហ៊ុនចុះបញញជីខ្លះ បានចុះទាបកាលពីថ្ងៃចន្ទ  ទី១៦ ខែកញ្ញា ដោយអនុញ្ញាតឱ្យលោក Ma បានវ៉ាឡើងដាច់ពីឧកញ៉ាទឹកសុទ្ធដប លោក ចុង សានសាន (Zhong Shanshan) ជាមួយនឹងទ្រព្យសម្បត្តិចំនួន ៤៣.៩ ពាន់លានដុល្លារអាមេរិក ។

លោក ចុង បានធ្លាក់មកចំណាត់ថ្នាក់លេខ៣ ហើយស្ថាបនិក TikTok ដែលគ្រប់គ្រងដោយក្រុមហ៊ុន ឯកជន ByteDance លោក ចាង យីមីង (Zhang Yiming) ឈរនីលេខ២។

ទ្រព្យសម្បត្តិរបស់លោក Ma បានកើនឡើងនាពេលថ្មីៗនេះ ខណៈដែលការកើនឡើងរបស់ក្រុមហ៊ុន Tencent លើសពីការប្រតិបត្តិរបស់គូប្រជែង ដែលមានទំហំប្រហាក់ប្រហែលគ្នា ដោយសារតែការងើបឡើងវិញនៃហ្គេមនៅក្នុងប្រទេសចិន ដែលជាសង្វៀនទូរស័ព្ទដ៏ធំបំផុតរបស់ពិភពលោក។

ភាពជោគជ័យនៃហ្គេមលក់ដាច់បំផុត ចាប់ពីហ្គេមអ្នកប្រយុទ្ធចល័តក្នុងគុក (Dungeon & Fighter Mobile) របស់ខ្លួនរហូតដល់ហ្គេមរឿងព្រេងយូធសីល្ប៍អ៊ូខុង (Black Myth: Wukong) ជាជ័យជំនះផ្នែកវប្បធម៌ គួបផ្សំនឹងការសន្យានៃការគាំទ្រពីទីក្រុងប៉េកាំង បានជួយជំរុញក្រុមហ៊ុន Tencent ទៅដល់កម្រិតដែលមើលមិនឃើញចាប់តាំងពីការកើនឡើងនៃអ៊ីនធឺណិតសម័យ Covid។

ហ្គេម Black Myth of Wukong របស់ក្រុមហ៊ុន ក្រុមហ៊ុន TENCENT លក់ដាច់បំផុត ក្នុងចំណោមហ្គេមផ្សេងទៀត

ករណីនេះ កើតឡើងបន្ទាប់ពីប្រទេសចិនបានចំណាយពេលវេលា២ឆ្នាំដ៏ប្រសើរ ដើម្បីគ្រប់គ្រងក្រុមហ៊ុនបច្ចេកវិទ្យាដ៏មានឥទ្ធិពលបំផុតរបស់ប្រទេស ដូចជា Alibaba Group និង Didi Global រួមជាមួយនឹងក្រុមស្ថាបនិកដែលសម្បូរទ្រព្យរបស់ពួកគេ។

លោក ម៉ា ដែលធ្លាប់បានស្ថិតក្នុងវណ្ណៈ មហាសេដ្ឋីបច្ចេកវិទ្យាដែលមានទ្រព្យសម្បត្តិច្រើនលើសលុប របស់ប្រទេសចិន ក៏ធ្លាប់ត្រូវបានចាប់ខ្លួន ក្នុងការបោសសម្អាតអំពើពុករលួយផងដែរ។

ប៉ុន្តែ​មិន​ដូច​មិត្ត​រួម​ការងារ​ដែល​និយាយ​សម្តីឲគម្របនោះ​ទេ ស្ថាបនិក​របស់ក្រុមហ៊ុន Tencent រូបនេះ តែង​តែ​ជា​មនុស្ស​ដែល​នៅតែឯង មិន​សូវ​ខ្វល់ខ្វាយ​ពី​ការបង្ហាញមុខមាត់ទេ និង​ចូលចិត្ត​រៀបចំ​សកម្មភាពការងារ​ពី​ក្រោយ​ឆាក៕

ហ្គេមDungeon & Fighter Mobile  របស់ក្រុមហ៊ុន ក្រុមហ៊ុន TENCENT លក់ដាច់បំផុត ក្នុងចំណោមហ្គេមផ្សេងទៀត

ត្បិដតែជាអ្នកម៉ៅការសំណង់ដំបូលផ្ទះជួបការលំបាកលំបាកពិតមែន ប៉ន្តែការគិតខុសឆ្គងតែបន្តិច ជីវិតសាមញ្ញមួយ ក៏ក្លាយជាជនសង្ស័យប៉ុនប៉ងបាញ់សម្លាប់លោក លោក ដូណាល់ ត្រាំ (Donald Trump) ដោយផ្លាស់ប្តូរពីការឃាត់ខ្លួនឆែកឆេរធម្មតា ទៅជាការកាត់ទោសបទឧក្រិដ្ឋប្រើកាំភ្លើង និងផែនការដ៏ចម្លែកមួយ ដើម្បីជួយអ៊ុយក្រែនក្នុងការប្រយុទ្ធប្រឆាំងនឹងការឈ្លានពានរបស់រុស្ស៊ី មុនពេលឈានដល់ចំណុចកំពូលជាអ្វីដែលទំនងជាផែនការធ្វើឃាតបរាជ័យមួយ។

លោក Ryan Routh អាយុ ៥៨ ឆ្នាំត្រូវបានចោទប្រកាន់ពីបទឧក្រិដ្ឋកម្មទាក់ទងនឹងកាំភ្លើងចំនួន២ដើមនៅក្នុងតុលាការសហព័ន្ធ ក្នុងរដ្ឋផ្លរីដា ពីថ្ងៃចន្ទ មួយថ្ងៃបន្ទាប់ពីគាត់ត្រូវបានគេប្រទះឃើញមានកាំភ្លើងលាក់ខ្លួន នៅក្នុងគុម្ពាតព្រៃនៅលើបន្ទាត់ព្រំដែនទ្រព្យសម្បត្តិ ទីលានវាយកូនហ្គោលរបស់លោក ត្រាំ ។ ការចោទប្រកាន់ជាច្រើនទៀត ត្រូវបានគេរំពឹងទុក។ ក្រុមមន្ត្រី​ មិន​បាន​លើក​ឡើង​ពី​ហេតុផល​ដែល​អាច​ទៅរួច​នោះ​ទេ។

Ryan Routh ត្រូវបានចាប់ខ្លួនដោយកម្លាំងសេវាកម្មសម្ងាត់ នៅនឹងក្លែងកើតហេតុ

លោក Routh បានចំអកឱ្យប្រធានាធិបតី ចូ បៃដិន នៅលើប្រព័ន្ធផ្សព្វផ្សាយសង្គម និងបានស្នើនៅក្នុងសៀវភៅបោះពុម្ពដោយខ្លួនឯងឆ្នាំ ២០២៣ ថា គាត់បានបោះឆ្នោតឱ្យ លោកត្រាំ ក្នុងឆ្នាំ ២០១៦ ។ ប៉ុន្តែបន្ទាប់មកគាត់បានសរសេរថា ការគាំទ្រ ត្រាំ គឺជា “កំហុសដ៏គួរឱ្យភ័យខ្លាច” ហើយនៅត្រង់ចំណុចផ្សេងៗទៀត បានពណ៌នាថា អតីតប្រធានាធិបតីរូបនោះ ជា “មនុស្សល្ងង់” ជា” ខ្លែងហើរ” និង “មនុស្សល្ងីល្ងើ” ។

និយាយដល់ប្រទេសអ៊ីរ៉ង់ លោក Routh បានសរសេរថា៖ “អ្នកមានសេរីភាពក្នុងការធ្វើឃាត លោកត្រាំ” សម្រាប់ការសម្រេចចិត្តរបស់អតីតប្រធានាធិបតីរូបនោះ ដើម្បីដកអាមេរិកចេញពីកិច្ចព្រមព្រៀងនុយក្លេអ៊ែរអ៊ីរ៉ង់ ក្នុងឆ្នាំ ២០១៨ ។

នៅក្នុងសៀវភៅ ២៩១ទំព័ររបស់គាត់ ដែលមានចំណងជើងថា “សង្រ្គាមមិនអាចឈ្នះ របស់អ៊ុយក្រែន” លោក Routh បានអះអាងថា លទ្ធិប្រជាធិបតេយ្យ ត្រូវការការការពារនៅជុំវិញពិភពលោក ហើយអាមេរិកមាន “ភយន្តរាយ” របស់ខ្លួន នៅថ្ងៃទី៦ ខែមករា ឆ្នាំ ២០២១ “ដែលបានប្រព្រឹត្តដោយលោក ដូណាល់ ត្រាំ និងក្រុមគ្មានប្រជាធិបតេយ្យរបស់គាត់” ។

Ryan Routh ធ្លាប់ចូលរួមការស្ម័គ្រចិតនឹងក្នុងសង្គ្រាមអ៊ុយក្រែន ប៉ុន្តែការវង្វេងស្មារតីរបស់គាត់ អ្នកណាក៏គេចមិនចង់ជួបដែរ

ប្រវត្តិតុលាការ​ បានបង្ហាញថា លោក Routh មានប្រវត្តិ រំលោភច្បាប់ចរាចរណ៍ជាយូមកហើយ, មិនបង់ពន្ធរបស់គាត់ទាន់ពេលវេលា និងកំពុងសរសេរសែកស្អុយ។ ប៉ុន្តែនៅឆ្នាំ​២០០២ គាត់ក៏បានបាត់បង់សិទ្ធិកាន់កប់កាំភ្លើង នៅពេលដែលគាត់បានទទួលកំហុស ចំពោះបទឧក្រិដ្ឋមួយ នៅរដ្ឋ ខារ៉ូឡៃណា ខាងជើង ពីបទកាន់កាប់កាំភ្លើងស្វ័យប្រវត្តិពេញលេញ ដែលមិនបានចុះបញ្ជី។

យោងតាមកំណត់ត្រារបស់តុលាការ និងអត្ថបទព័ត៌មានឆ្នាំ ២០០២ របស់កាសែត Greensboro News & Record ឱ្យដឹងថា ក្នុងករណីនោះ លោក Routh បានភៀសខ្លួនចេញពីកន្លែងបញ្ឈប់ចរាចរណ៍ដោយមន្ត្រីប៉ូលីសម្នាក់ នៅជិតផ្ទះរបស់គាត់នៅតំបន់ Greensboro រដ្ឋខារ៉ូលៃណា ខាងជើង ហើយបានសម្ងំលាក់ខ្លួន នៅខាងក្នុងអាជីវកម្មដំបូលដំបូលរបស់គាត់ជាច្រើនម៉ោង មុនពេលប៉ូលីសអាចចាប់ខ្លួនគាត់បាន ។

យោងតាមការិយាល័យស្មៀន នៃការិយាល័យមេធាវីស្រុក និងតុលាការជាន់ខ្ពស់នៃខោនធី Guilford ឱ្យដឹងថា លោក Routh បានទទួលទោស ពីបទកាន់កាប់កាំភ្លើងស្វ័យប្រវត្តិពេញលេញដែលមិនបានចុះបញ្ជី ដែលត្រូវបានកំណត់នៅក្នុងច្បាប់រដ្ឋ North Carolina ជាអាវុធនៃមហាបករល័យមួយ និងជាបទឧក្រិដ្ឋដែលត្រូវផ្តន្ទាទោសដាក់ពន្ធនាគាររហូតដល់ ៥៩ខែ ។ គាត់ត្រូវបានកាត់ទោសឱ្យជាប់ពន្ធនាគារជាបណ្តោះអាសន្ន។

យោងតាមការិយាល័យមេធាវីស្រុក ឱ្យដឹងថា ៨ឆ្នាំក្រោយមក គាត់បានទទួលកំហុសម្តងទៀតចំពោះបទឧក្រិដ្ឋជាច្រើន បន្ទាប់ពីគាត់ត្រូវបានចោទប្រកាន់ពីមានកម្មសិទ្ធិទំនិញចោរ មានដូចជា ឧបករណ៍ផ្លុំភ្លើងផ្សារ, រទេះរុញ និងខ្សែភ្លើង ។ ក្នុងនាម​ជា​ម្ចាស់​ក្រុមហ៊ុន​អាជីវកម្មដំបូល​ជាច្រើន គាត់​ត្រូវ​បាន​ប្រជាពលរដ្ឋ​ប្តឹង​ម្តង​ហើយ​ម្តងទៀត ​ដោយ​ចោទប្រកាន់​គាត់​ថា ​មិន​បានទួទាត់វិកញកយប័ត្រ​គាត់​។

FBI បាននិយាយកាលពីថ្ងៃច័ន្ទថា ទីភ្នាក់ងារនេះ បានទទួលផ្តល់ព័ត៌មាន ក្នុងឆ្នាំ ២០១៩ ថា លោក Routh គឺជាឧក្រិដ្ឋជន ដែលមានអាវុធ ដែលហាមឃាត់ដោយច្បាប់សហព័ន្ធ ប៉ុន្តែអ្នកដែលបានផ្តល់ព័ត៌មាននោះ ក្រោយមក​ក៏មិនបញ្ជាក់ព័ត៌មាននោះទេ ក្នុងអំឡុងពេលសម្ភាសន៍ជាមួយក្រុមភ្នាក់ងារ។

Ryan Routh ត្រូវបាន​ចាប់ខ្លួនជាមួយនឹងសម្ភារៈ​ដែលរិបអូសនៅនឹងកន្លែងកើតហេតុ

FBI បានបញ្ជូនព័ត៌មានឱ្យការណ៍នោះទៅក្រុមអាជ្ញាធរមូលដ្ឋាន នៅរដ្ឋហាវ៉ៃ ជាទីដែល លោក Routh បានផ្លាស់ទៅក្នុងឆ្នាំ ២០១៨ បន្ទាប់ពីរស់នៅរាប់ទសវត្សរ៍នៅ North Carolina ។

ទីភ្នាក់ងារ Reuters បានរកឃើញគណនីជាច្រើននៅលើបណ្តាញ X, Facebook និង LinkedIn ឈ្មោះ Ryan Routh ហើយការចូលជាសាធារណៈ ទៅកាន់ប្រូហ្វាល Facebook និង X ត្រូវបានលុបចោលប៉ុន្មានម៉ោងបន្ទាប់ពីការបាញ់ប្រហារនោះ។ គណនីទាំងបីដែលមានឈ្មោះរបស់ Routh បានបង្ហាញថាគាត់គាំទ្រអ៊ុយក្រែន ក្នុងសង្គ្រាមប្រឆាំងនឹងរុស្ស៊ី។

នៅថ្ងៃទី២១ ខែមេសា លោក Routh បានផ្ញើសារតាមបណ្តាញ X មួយ ទៅកាន់លោក Elon Musk ដោយសរសេរថា៖ “ខ្ញុំចង់ទិញរ៉ុក្កែតពីអ្នក។ ខ្ញុំចង់ចំពាក់វាជាមួយនឹងក្បាលគ្រាប់មីស៊ីល សម្រាប់ផ្ទះក្រោមដីនៅសមុទ្រខ្មៅរបស់ពូទីន ដើម្បីបញ្ចប់គាត់។ តើអ្នកអាចឱ្យតម្លៃខ្ញុំបានទេ?”។

ធ្លាប់ជាអ្នកស្ម័គ្រចិត្តជួយសង្គ្រាមអ៊ុយក្រែន

កាសែត New York Times បានរាយការណ៍ថា ខ្លួនបានសម្ភាសលោក Routh ក្នុងឆ្នាំ ២០២៣ សម្រាប់អត្ថបទមួយស្តីពីក្រុមពលរដ្ឋអាមេរិក ដែលស្ម័គ្រចិត្តជួយកិច្ចប្រឹងប្រែងសង្គ្រាមអ៊ុយក្រែន។ លោក Routh បានប្រាប់កាសែតនោះថា គាត់បានធ្វើដំណើរទៅកាន់ប្រទេសអ៊ុយក្រែន ដោយចំណាយពេលជាច្រើនខែនៅទីនោះក្នុងឆ្នាំ ២០២២ និងកំពុងព្យាយាមជ្រើសរើសទាហានអាហ្វហ្គានីស្ថានដែលបានភៀសខ្លួនពីពួកតាលីបង់ ទៅប្រយុទ្ធនៅអ៊ុយក្រែន។

​អតីតអ្នក​ស្ម័គ្រចិត្ត​អាមេរិម្នាក់ក និងបច្ចុប្បន្ន​ជាអ្នក​ស្ម័គ្រចិត្ត​អាមេរិក​​ម្នាក់ទៀត ​ដែលកំពុង​បម្រើការ​ជាមួយ​ក្រុម​បរទេស​របស់​អ៊ុយក្រែន​ បាន​និយាយ​ថា​ ពួកគេ​បាន​រំឭក​ដល់​លោក Routh និង​ជឿ​ថា ​គាត់​បាន​ចំណាយ​ពេល​នៅ​ក្នុង​ទីក្រុង Ivano-Frankivsk ភាគ​ខាងលិច​អ៊ុយក្រែន។ អ្នក​ទាំង​ពីរ ​បាន​និយាយ​ថា លោក Routh បង្ហាញ​អាកប្បកិរិយា​ចម្លែកៗ។

អតីតអ្នកស្ម័គ្រចិត្តអាមេរិកម្នាក់នៅក្នុងកងពលនោះ បាននិយាយដោយសុំមិនបញ្ចេញឈ្មោះ ថា លោក Routh ត្រូវបានប្លុកមិនឱ្យចូលក្រុមជជែក “Volunteers for Ukraine” នៅលើបណ្តាញ Signal កាលពីឆ្នាំមុន និងត្រូវបានដាក់ក្នុងបញ្ជីខ្មៅទោត បន្ទាប់ពីទំនងជាភាពវង្វេងស្មារតី ជាមួយនឹងការសន្យាថា នឹងនាំយកក្រុមអ្នកស្ម័គ្រចិត្តបរទេសមកប្រទេសនេះ ថ្វីបើមិនមានប្រវត្តិយោធាក៏ដោយ ។

អ្នកស្ម័គ្រចិត្តរូបនោះ បានប្រាប់រ៉យទ័រថា ខណៈដែលកំពុងសម្រាកនៅភាគខាងលិចពីសមរភូមិក្នុងប្រទេសអ៊ុយក្រែន គាត់ និងក្រុមអ្នកស្ម័គ្រចិត្តផ្សេងទៀត បានព្យាយាមអស់ពីសមត្ថភាពដើម្បីគេចពី លោក Routh និងអ្នកផ្សេងៗទៀត ដែលបានសន្យាដ៏ធំបែបនេះ។

កងកម្លាំង​អន្តរជាតិ ​ដែល​​យុទ្ធជន​បរទេស​ជាច្រើន​នៅ​អ៊ុយក្រែន​ បម្រើ​នោះ​ បាន​និយាយ​ថា ​ខ្លួន​មិន​មាន​ទំនាក់​ទំនងជាមួយ ​លោក Routh ទេ។

ធ្លាប់ចំអកឱ​លោក​បៃដិន

នៅលើបណ្តាញ X ក្នុងឆ្នាំ ២០២០ លោក Routh បានសម្តែងការគាំទ្រចំពោះបេក្ខជនប្រធានាធិបតីអាមេរិកខាងគណបក្សប្រជាធិបតេយ្យ លោក Bernie Sanders និងបានចំអកឱ្យលោក Biden ថា ជា “ចូ ងងុយដេក”។

កាលពីដើមឆ្នាំនេះ លោក Routh បានដាក់ស្លាក បៃដិន នៅក្នុងការបង្ហោះនៅលើបណ្តាញ X: “@POTUS យុទ្ធនាការរបស់អ្នកគួរតែត្រូវបានគេហៅថាអ្វីមួយ ដូចជា KADAF ។ ទុកឱ្យអាមេរិកឱ្យមានប្រជាធិបតេយ្យ និងសេរីភាព។ លោកត្រាំ គួរតែជា MASA …ធ្វើឱ្យពលរដ្ឋអាមេរិកក្លាយជាទាសករម្តងទៀត។ ប្រជាធិបតេយ្យ គឺស្ថិតនៅលើសន្លឹកឆ្នោត ហើយយើង​មិន​អាច​ចាញ់​បាន​ទេ»។

Ryan Routh នៅពេលកម្លាំងសមត្ថកិច្ចប្រតិបត្តិការចាប់ខ្លួន

កំណត់ត្រាបោះឆ្នោតនៅរដ្ឋ North Carolina បានបង្ហាញថា មិនមានលោក Routh ជាសមាជិកបក្សណាមួយ ទោះបីជាគាត់បានបោះឆ្នោត នៅក្នុងការបោះឆ្នោតបឋមរបស់គណបក្សប្រជាធិបតេយ្យ ក្នុងឆ្នាំនេះក៏ដោយ។

អតីតអ្នកជិតខាងម្នាក់របស់ Routh នៅតំបន់ Greensboro រដ្ឋ North Carolina, អ្នកស្រី Kim Mungo បាននិយាយថា គាត់ត្រូវបានគេដឹងថា បានបាញ់បោះម្តងម្កាលនៅខាងក្រៅផ្ទះរបស់គាត់ ក្នុងថ្ងៃហូលីដេ ទោះបីជាមិនមែនជាការគំរាមកំហែងក៏ដោយ។ ម្តងម្កាល អ្នកស្រី បានចម្អិនអាហារនៅផ្ទះរបស់គាត់ និង​

អ្នកស្រី Mungo អាយុ ៥៣ ឆ្នាំ ដែលបាននិយាយថា អ្នកស្រីរស់នៅក្បែរលោក Routh ប្រហែល១០ឆ្នាំបាននិយាយថា គាត់បានផ្លាស់ទៅឆ្ងាយជាច្រើនឆ្នាំមកហើយ។ ប៉ុន្តែ​គាត់​បាន​លេច​មុខ​ម្ដង​ទៀត​ ក្នុង​ខែ​ឧសភា និងកំពុង​តែ​បោស​សម្អាត​ផ្ទះ ដោយ​ទំនង​ជា​មាន​បំណង​លក់​វា។

អ្នកស្រី Mungo បាននិយាយថា៖ “ខ្ញុំមិនបានឃើញគាត់មួយរយៈហើយ ។ ខ្ញុំ​មិន​ដឹង​ថា ​គំនិត​គាត់​ជា​អ្វី​ទេ”៕

លោក ដូណាល់ ត្រាំ(Donald Trump) បានទម្លាក់កំហុសលើ “វោហាសាស្ត្រ” របស់ កជំទាវ កាម៉ាឡា ហារី (Kamala Harris) និងលោកចូ បៃដិន (Joe Biden) ថាជាដើមចម នៃការប៉ុនប៉ងធ្វើឃាតចុងក្រោយបំផុតមកលើរូបលោក ដោយអះអាងថា ការលើកឡើងរបស់ពួកគេគឺ “បណ្តាលឱ្យខ្ញុំត្រូវបានគេបាញ់ប្រហារ”។

បេក្ខជនគណបក្សសាធារណរដ្ឋសម្រាប់ឆ្នាំ ២០២៤រូបនេះ បាននិយាយថា៖ “ភាសារអុជអាលខ្លាំង” របស់គូប្រជែងប្រជាធិបតេយ្យរបស់លោក បានជំរុញឱ្យមានការបន្ទាប់ពីការប៉ុនប៉ងធ្វើឃាត ដែលសង្ស័យចំនួន២លើជីវិតរបស់លោក ជាច្រើនខែមកនេះ។

លោក ត្រាំ ត្រូវបានប្រញាប់ប្រញាល់ចាកចេញពីទីលានវាយកូនហ្គោលរបស់ខ្លួន កាលពីថ្ងៃអាទិត្យបន្ទាប់ពីការរកឃើញខ្មាន់កាំភ្លើងដែលកំពុងលាក់ខ្លួននៅក្នុងព្រៃក្បែរនោះ។

ជនសង្ស័យជាខ្មាន់កាំភ្លើងឈ្មោះ Ryan Wesley Routh អាយុ ៥៨ ឆ្នាំ បានបង្ហាញខ្លួននៅក្នុងតុលាការនិងត្រូវបានចោទប្រកាន់ពីបទឧក្រិដ្ឋកម្មកាំភ្លើងសហព័ន្ធ កាលពីថ្ងៃចន្ទ។

គណនី​ប្រព័ន្ធ​ផ្សព្វផ្សាយ​សង្គម​របស់​លោក Routh បង្ហាញ​ពី​ភាព​ខុស​គ្នា ​នៃ​ទំនាក់ទំនង​នយោបាយ។ គាត់បាននិយាយថា គាត់បានបោះឆ្នោតឱ្យ ត្រាំ ក្នុងឆ្នាំ ២០១៦។ គាត់​ក៏បង្ហាញថា​បាន​បរិច្ចាគ​ដល់​បេក្ខជន​គណបក្ស​ប្រជាធិបតេយ្យ​ជាច្រើន​នាក់​ក្នុង​ពេល​កន្លង​មក។

លោកបៃដិន បោះបង់ការឈរឈ្មោះប្រជែងការបោះឆ្នោត ហើយគាំទ្រ​ឱ្យលោកជំទាវ ហារីសជាអ្នកស្នងវិញ

សសនៅក្នុងបទសម្ភាសន៍មួយកាលពីថ្ងៃចន្ទ, លោក ត្រាំ បានប្រាប់ទូរទស្សន៍ Fox News ថា ខ្មាន់កាំភ្លើងរូបនោះ “បានជឿជាក់លើវោហាសាស្ត្ររបស់ លោកបៃដិន និង លោកជំទាវ ហារីស ហើយគាត់ក៏បានធ្វើអំពើនោះ” ។ លោកត្រាំ ​បាន​លើក​ឡើង​ពី​ការ​វាយប្រហារ​ជា​ញឹក​ញាប់​របស់​លោកប្រធានាធិបតី និងលោកជំទាវ​អនុប្រធានាធិបតី​ ដែលនិយាយ​ថា ​លោក ​បង្ក “ការ​គំរាមកំហែង​ដល់​លទ្ធិប្រជាធិបតេយ្យ”។

លោក​ បាន​បញញជាក់​ថា៖ “វោហារ​សាស្ត្រ​របស់​ពួក​គេ ​ធ្វើ​ឲ្យ​ខ្ញុំ​ត្រូវ​គេ​បាញ់​, ពេល​ខ្ញុំ​ជា​អ្នក​សង្គ្រោះ​ប្រទេសនេះ ហើយពួក​គេ ​ជា​អ្នកកំពុង​បំផ្លាញ​ប្រទេសនេះ ​ទាំង​នៅខាងក្នុង​និងមកពីខាង​ក្រៅ”។

លោក​បាន​បន្ថែម​ថា​៖ «​នេះ បាន​គេ​ហៅ​ថា ​សត្រូវ​ពី​ក្នុង​។ ពួក​គេ ​គឺ​ជា​ការ​គំរាម​កំហែង​ពិត​ប្រាកដ»។

ការអត្ថាធិប្បាយទាំងនេះ គឺផ្ទុយស្រឡះទៅនឹងការឆ្លើយតបរបស់លោក ត្រាំ ចំពោះការប៉ុនប៉ងធ្វើឃាតគាត់លើកដំបូង ក្នុងខែកក្កដា នៅពេលដែលខ្មាន់កាំភ្លើងម្នាក់ បានបើកការបាញ់ប្រហារ នៅឯការជួបជុំឃោសនារបស់គាត់ នៅទីក្រុង Butler រដ្ឋ Pennsylvania ។

លោក ត្រាំ បានអំពាវនាវឱ្យប្រទេសនេះ “ក្រោកឡើងរួបរួមគ្នា និងបង្ហាញចរិតពិតរបស់យើងជាជនជាតិអាមេរិក” បន្ទាប់ពីឧប្បត្តិហេតុនោះ។

លោក បានឆ្លើយតបទៅនឹងឧប្បត្តិហេតុកាលពីថ្ងៃអាទិត្យ ជាមួយនឹងការអំពាវនាវរៃអង្គាសប្រាក់មួយដោយអំពាវនាវឱ្យក្រុមអ្នកគាំទ្រ “ប្រយុទ្ធ ប្រយុទ្ធ ប្រយុទ្ធ!!!!!”

លោក JD Vance ក៏បានស្តីបន្ទោស គណបក្សប្រជាធិបតេយ្យ និងក្រុមអ្នករិះគន់លោក ត្រាំ ចំពោះ “វោហាសាស្ត្រនយោបាយអុជអាលដ៏គួរឱ្យចំអក កាលពីថ្ងៃចន្ទ ដោយប្តេជ្ញាថានឹង “ធ្វើកិច្ចផ្នែករបស់គាត់” ដើម្បីកាត់បន្ថយស្ងានការណ៍នោះ។

ជនសង្ស័យ Ryan Routh អាយុ ៥៨ ឆ្នាំ ត្រូវបានចាប់ខ្លួន ភ្លាមៗ ក្រោយការកិតហេតុនោះ

គាត់ បាននិយាយថា គណបក្សប្រជាធិបតេយ្យ មិនអាចហៅលោក ត្រាំ ថាជា “ការគំរាមកំហែងដល់លទ្ធិប្រជាធិបតេយ្យ” និង “ហ្វាស៊ីសនិយម” នោះទេ ហើយរំពឹងថា អំពើហឹង្សានឹងមិនបន្តកើតមានទៀតទេ ពីព្រោះ “មនុស្សឆ្កួតខ្លះ” សម្រេចចិត្ត “យកបញ្ហាជាច្រើន មកដាក់ក្នុងដៃរបស់ពួកគេ” ។

ខណៈសល់ពេលមិនដល់៥០ ថ្ងៃទៀតទេ ក្រុមអ្នកបោះឆ្នោតទៅបោះឆ្នោតនៅថ្ងៃទី៥ ខែវិច្ឆិកានោះ, ភាពតានតឹងផ្នែកនយោបាយ គឺខ្ពស់ជាងការប្រណាំងប្រជែង រវាង លោកត្រាំ និងលោកជំទាវ ហារីសទៅទៀត ។

ទាំងអនុប្រធានាធិបតី និងលោក Biden ម្តងហើយម្តងទៀតបានចាត់ទុកលោក Trump ថាជាគ្រោះថ្នាក់ដល់លទ្ធិប្រជាធិបតេយ្យជុំវិញការបដិសេធរបស់លោកក្នុងការទទួលបរាជ័យក្នុងការបោះឆ្នោតឆ្នាំ 2020 និងសកម្មភាពរបស់លោកជុំវិញការវាយប្រហារកាលពីថ្ងៃទី 6 ខែមករា ឆ្នាំ 2021 លើវិមានកាពីតូល។

ទាំងលោក បៃដិន និងលោកជំទាវ ហារីស សុទ្ធតែបានថ្កោលទោសការប៉ុនប៉ងធ្វើឃាតនោះ ដោយនិយាយថា “គ្មានកន្លែងសម្រាប់អំពើហឹង្សានយោបាយទេ” នៅអាមេរិកទេ។

មុននេះ កាលពីថ្ងៃចន្ទ នៅឯសេតវិមាន លោក បៃដិន បានថ្លែងថា៖ “អរគុណព្រះជាម្ចាស់ ដែលអតីតប្រធានាធិបតីរូបនោះ មិនអីទេ”៕

• ក្រុមហ៊ុន Goldman Sachs បញ្ជាក់ជាថ្មីពីទស្សនៈសុទិដ្ឋិនិយមលើតម្លៃមាស ចំពេលការកាត់បន្ថយអត្រាការប្រាក់ របស់ធនាគារសហព័ន្ធ

ក្រុមហ៊ុន Goldman Sachs បានរំលឹកជាថ្មីពីទស្សនវិស័យសុទិដ្ឋិនិយមរបស់ខ្លួន លើតម្លៃមាសកាលពីថ្ងៃអង្គា ដោយលើកឡើងពីតម្រូវការរបស់ធនាគារកណ្តាល និងការកាត់បន្ថយអត្រាការប្រាក់ដែលជិតមកដល់ពីធនាគារកណ្តាលកណ្តាលអាមេរិក នៅក្នុងកិច្ចប្រជុំគោលនយោបាយរបស់ខ្លួនក្នុងសប្តាហ៍នេះ។

តម្លៃមាស បានឡើងដល់កម្រិតខ្ពស់គ្រប់ពេល $ ២,៥៨៩.៦ ក្នុងមួយអោនកាលពីថ្ងៃអង្គារ ត្រូវបានគាំទ្រដោយការធ្លាក់ចុះបន្តិចនៃប្រាក់ដុល្លារ និងការរំពឹងទុកនៃការកាត់បន្ថយអត្រាការប្រាក់ដ៏ធំមួយរបស់ ធនាគារកណ្តាលអាមេរិក ។

ឧបករណ៍ CME FedWatch បានបង្ហាញថា បច្ចុប្បន្នទីផ្សារកំពុងកំណត់តម្លៃក្នុងឱកាស ៣៣% នៃការកាត់បន្ថយអត្រាការប្រាក់អាមេរិក ២៥ពិន្ទ នៅឯកិច្ចប្រជុំថ្ងៃទី ១៧-១៨ ខែកញ្ញានេះ របស់ធនាគារសហព័ន្ធ និងឱកាស ៦៧% នៃការកាត់បន្ថយ ៥០ ពិន្ទុមូលដ្ឋាន៕

• ការ​លក់​ផ្ទះ​នៅ​សិង្ហបុរី​ ក្លាយជា​ឆ្នាំ​អាក្រក់​បំផុត ​ចាប់​តាំង​ពី​មាន​វិបត្តិ​ហិរញ្ញវត្ថុ

យោងតាមការប្រឹក្សាអចលនទ្រព្យដែលបានកាត់បន្ថយការព្យាករបស់ពួកគេបន្ទាប់ពីប្រតិបត្តិការទន់ខ្សោយ២ខែទៀត ឱ្យដឹងថា ការលក់ផ្ទះថ្មីរបស់សិង្ហបុរី ទំនងជានឹងធ្លាក់ចុះនៅឆ្នាំនេះដល់កម្រិតទាបបំផុត ចាប់តាំងពីមានវិបត្តិហិរញ្ញវត្ថុពិភពលោក

យោងតាមការគណនារបស់ Bloomberg ដោយផ្អែកលើតួលេខអាជ្ញាធរអភិវឌ្ឍន៍ទីក្រុង ឱ្យដឹងថា រហូតដល់ខែសីហា ក្នុងឆ្នាំនេះ ក្រុមអ្នកអភិវឌ្ឍន៍ លក់បានតិចជាង ២៧០០ យូនីត ។ ក្រុមហ៊ុន CBRE Group Inc. និងក្រុមហ៊ុន Jones Lang LaSalle Inc. ឥឡូវនេះជួបការធ្លាក់ចុះ សម្រាប់ឆ្នាំ ២០២៤ ដោយធ្លាក់ក្រោម ៦,៤២១យូនីត ដែលលក់ពីឆ្នាំមុន ដែលជាចំនួនតិចបំផុតចាប់តាំងពីលក់បាន ៤,២៦៤យូនី កាលពីឆ្នាំ ២០០៨៕

• ប្រតិបត្តិកររថយន្តក្រុងរដ្ឋថៃ ពិចារណាបើកផ្លូវចំនួន៥បន្ថែមទៀត ទៅកាន់ប្រទេសឡាវ

ប្រតិបត្តិកររថយន្តក្រុងឆ្លងខេត្ត Transport Company បាននិយាយថា ខ្លួនកំពុងសិក្សាពីលទ្ធភាពនៃការបើកផ្លូវរថយន្តក្រុងថ្មីចំនួន ៥ ទៅកាន់ប្រទេសឡាវ ដើម្បីជំរុញទេសចរណ៍ឆ្លងដែនបន្ថែមទៀត បន្ទាប់ពីតម្រូវការកើនឡើងលើផ្លូវចំនួន៩ ទៅកាន់ទីក្រុងចំនួន៦ ក្នុងប្រទេសជិតខាងនេះ។

ផ្លូវថ្មីទាំង៥ គឺមាន ឈៀងម៉ៃ-បូតេន; បាងកក – សុវណ្ណខេត; ប៉ាតាយ៉ា – ប៉ាកសេ; ប៉ាតាយ៉ា – វៀងចន្ទន៍; និងប៉ាតាយ៉ា – សុវណ្ណាខេត។

ប្រមុខស្តីទីក្រុមហ៊ុន លោក អាថាវីត រ៉ាក់ចំរូន (Atthawit Rakjamroon) បាននិយាយកាលពីចុងសប្តាហ៍ថា បច្ចុប្បន្នក្រុមហ៊ុនដែលជាសហគ្រាសរដ្ឋស្ថិតក្រោមក្រសួងដឹកជញ្ជូន ដំណើរការផ្លូវរថយន្តក្រុងចំនួន 9 ទៅកាន់ប្រទេសឡាវក្នុងការធ្វើដំណើរចំនួន ៩២ជើង ក្នុងមួយថ្ងៃ។

លោកបា ននិយាយថា ផ្លូវទាំងនេះមានអ្នកដំណើរជាមធ្យម ៣០០០ នាក់ក្នុង១ថ្ងៃ បានកើនឡើងបន្ទាប់ពីជំងឺរាតត្បាតនៃជំងឺ Covid-19 ៕

• ក្រុមហ៊ុន Microsoft ប្រកាសកម្វិធី $៦០ពាន់​លាន ​ទិញ​ភាគហ៊ុនមក​វិញ, បង្កើន​ភាគលាភ 10%

ក្រុមហ៊ុន Microsoft Corp. បានប្រកាសកម្មវិធី ទិញ-លក់ភាគហ៊ុនថ្មី $៦០ពាន់លានដុល្លារថ្មីមួយ ដែលស្មើនឹងការអនុញ្ញាតទិញយកមកវិញដ៏ធំបំផុតមិនធ្លាប់មានរបស់ខ្លួន និងបានបង្កើនភាគលាភប្រចាំត្រីមាសរបស់ខ្លួន ១០% ។

ក្រុមហ៊ុនសូហ្វវែរនេះ បាននិយាយថា គិតត្រឹមថ្ងៃទី ២១ ខែវិច្ឆិកាខាងមុខ សមាជិកភាគហ៊ុនជាច្រើន នឹងទទួលបានភាគលាភប្រចាំត្រីមាសចំនួន ៨៣សេនក្នុង១ហ៊ុន បើធៀបនឹង ៧៥ សេនក្នុងពេលបច្ចុប្បន្ន។ កិច្ចព្រមព្រៀងទិញភាគហ៊ុនមកវិញ ដែលគ្មានកាលបរិច្ឆេទផុតកំណត់នេះ ជំនួសឲ្យកម្មវិធីទិញវិញ ៦០ ពាន់លានដុល្លារ ដែលបានប្រកាសនៅឆ្នាំ ២០២១។

ក្រុមហ៊ុន Microsoft ដែលជាក្រុមហ៊ុនមានតម្លៃធំបំផុតទីពីររបស់ពិភពលោក បានទទួលអត្ថប្រយោជន៍ ពីភាពរីកចម្រើនទីផ្សារសម្រាប់បញ្ញាសិប្បនិម្មិត ក្នុងរយៈពេលប៉ុន្មានឆ្នាំចុងក្រោយនេះ។ ក្រុមហ៊ុនផលិតផ្នែកទន់នេះ បានបញ្ចូលផលិតផលរបស់ខ្លួនជាមួយនឹងបច្ចេកវិទ្យា AI ពីដៃគូ OpenAI និងបានផ្សព្វផ្សាយពីសមត្ថភាពរបស់ឧបករណ៍នោះ ក្នុងការបង្កើនកម្មវិធីអាជីវកម្មរបស់ខ្លួនដូចជា Teams, Word និង Outlook ។ ក្រុមហ៊ុន Microsoft កាលពីថ្ងៃច័ន្ទ បានចេញផ្សាយឧបករណ៍ AI ថ្មីមួយ។

ភាគហ៊ុនខ្លួន បានកើនឡើងតិចជាង ១% នៅក្នុងការជួញដូរបន្តបន្ទាប់ពីការទិញត្រឡប់មកវិញ ត្រូវបានប្រកាសបន្ទាប់ពីការបិទក្នុងតម្លៃ $ ៤៣១.៣៤ ក្នុងការជួញដូរធម្មតាកាលពីថ្ងៃចន្ទ។ ផ្សារភាគហ៊ុននោះ បានកើនឡើង ៣១% កាលពីឆ្នាំមុនឆ្នាំមុន។

• Amazon មានអាណត្តិប្រាំថ្ងៃក្នុងមួយសប្តាហ៍នៅក្នុងការិយាល័យដែលចាប់ផ្តើមនៅឆ្នាំក្រោយ

ក្រុមហ៊ុនលក់រាយអនឡាញ Amazon.com នឹងតម្រូវឱ្យបុគ្គលិកត្រឡប់មកធ្វើការក្នុងការិយាល័យក្រុមហ៊ុនចំនួន៥ថ្ងៃ ក្នុងមួយសប្តាហ៍ ឡើងវិញ ចាប់ពីថ្ងៃទី ២ ខែមករាឆ្នាំក្រោយ ដោយមិនធ្វើការតែ៣ថ្ងៃ ដូចកាលសម័យកូវីដនោះទេ។

នៅក្នុងកំណត់ត្រាមួយទៅកាន់បុគ្គលិក នាយកប្រតិបត្តិ លោក Andy Jassy បាននិយាយថា៖ “យើងបានសម្រេចចិត្តថា យើងនឹងត្រឡប់ទៅធ្វើការនៅក្នុងការិយាល័យដូចដែលយើងធ្លាប់បានធ្វើ កាលពីមុនពេលចាប់ផ្តើមនៃ ជំងឺ COVID។ នៅពេលដែលយើងក្រឡេកមើលទៅក្រោយរយៈពេល៥ ឆ្នាំចុងក្រោយនេះ យើងនៅតែជឿថា គុណសម្បត្តិនៃការរួមគ្នា នៅក្នុងការិយាល័យ គឺមានសារៈសំខាន់”៕

រដ្ឋមន្ត្រីពាណិជ្ជកម្មថៃ បាននិយាយកាលពីថ្ងៃចន្ទថា ប្រាក់បាតរបស់ប្រទេសថៃ មានភាពរឹងមាំយ៉ាងខ្លាំងនិងកំពុងប៉ះពាល់ដល់ការនាំចេញ ដែលត្រូវបានគេរំពឹងថា នឹងមានកំណើនតិចតួចក្នុងឆ្នាំនេះ ហើយធនាគារកណ្តាល គួរតែចាត់វិធានការលើរូបិយប័ណ្ណនេះ។

លោក ភីឆៃ ណារីបថាផាន (Pichai Naripthaphan) បាននិយាយថា ធនាគារកណ្តាលថៃ (BOT) គួរតែកាត់បន្ថយអត្រាការប្រាក់ ដើម្បីបង្កើនសាច់ប្រាក់ងាយស្រួល ដោយបន្តការខ្វែងគំនិតគ្នាជាច្រើនខែម្ហើយ រវាងរដ្ឋាភិបាល និងធនាគារកណ្តាល ជុំវិញការកំណត់អត្រាការប្រាក់នេះ។

កាលពីថ្ងៃច័ន្ទតែមួយ ប្រាក់បាត គឺកម្រិតរឹងមាំបំផុត គឺ ៣៣.១៦ បាត ក្នុដ១ដុល្លារ រយៈពេលជាង ១៨ ខែមកហើយ ធៀបនឹងប្រាក់ដុល្លារអាមេរិក។

រដ្ឋមន្ត្រីក្រសួងពាណិជ្ជកម្ម ថៃ លោក ភីឆៃ ណារីបថាផាន (Pichai Naripthaphan)

ក្រសួងពាណិជ្ជកម្ម ​កាល​ពី​ខែ​មុន ​បាន​រក្សា​គោល​ដៅ​កំណើន​នាំ​ចេញ​របស់​ខ្លួន​ពេញ១​ឆ្នាំ​ក្នុង​អត្រា ១%ទៅ ២%។ សម្រាប់រយៈពេលពីខែមករា ដល់ខែកក្កដា ការនាំចេញ បានកើនឡើង ៣.៨% ធៀបនឹងរយៈពេលដូចគ្នាក្នុងឆ្នាំ ២០២៤។

កាលពីខែសីហា ធនាគារកណ្តាល បានរក្សាអត្រាការប្រាក់សំខាន់ៗត្រឹម ២.៥០% សម្រាប់កិច្ចប្រជុំ៥លើកជាប់ៗគ្នា ដោយនិយាយថាការកំណត់គោលនយោបាយ ស្ថិតក្នុងកម្រិតអព្យាក្រឹត ខណៈ ខ្លួនទប់ទល់នឹងការអំពាវនាវរបស់រដ្ឋាភិបាល ឱ្យកាត់បន្ថយអត្រាការប្រាក់។ ការវាយតម្លៃអត្រាការប្រាក់បន្ទាប់ គឺនៅថ្ងៃទី ១៦ ខែតុលាខាងមុខ។

កាលពីដើមឆ្នាំនេះ មុនពេលលោកស្រីក្លាយជានាយករដ្ឋមន្ត្រី, នាយករដ្ឋមន្ត្រី លោកជំទាវ ផែថងថាន ស៊ីណាវ៉ាត្រា (Paetongtarn Shinawatra) បាននិយាយថា ឯករាជ្យភាពរបស់ធនាគារកណ្តាល គឺជាឧបសគ្គក្នុងការដោះស្រាយបញ្ហាសេដ្ឋកិច្ច។

រដ្ឋាភិបាលដែលដឹកនាំដោយគណបក្សភឿថៃ បានអំពាវនាវម្តងហើយម្តងទៀតឱ្យកាត់បន្ថយអត្រាការប្រាក់ ដើម្បីអនុលោមតាមការជំរុញសារពើពន្ធដែលបានគ្រោងទុក ខណៈខ្លួនសំឡឹងទៅចាប់ផ្តើមឡើងវិញ លើសេដ្ឋកិច្ច របស់ប្រទេសសេដ្ឋកិច្ចធំបំផុតទីពីររបស់អាស៊ីអាគ្នេយ៍នេះ។

រដ្ឋាភិបាលថៃ នឹងចាប់ផ្តើមដំណាក់កាលដំបូងនៃកម្មវិធី “កាបូបឌីជីថល” របស់ខ្លួននៅចុងខែនេះ ដែលខ្លួននឹងចែក១៤៥ ពាន់លានបាត (៤.៤ ពាន់លានដុល្លារ) ដល់ក្រុមពលរដ្ឋដែលងាយរងគ្រោះ។ វិធានការជំរុញសេដ្ឋកិច្ចសរុបចំនួន ៤៥០ ពាន់លានបាតនេះ មានគោលបំណងផ្តល់ប្រាក់ ១ម៉ឺន បាត ដល់ប្រជាជនថៃចំនួន ៥០លាននាក់ ដើម្បីចាយវាយនៅក្នុងសហគមន៍មូលដ្ឋានរបស់ពួកគេ។

គ្រោងការណ៍នេះ ត្រូវបានរិះគន់ដោយក្រុមអ្នកសេដ្ឋកិច្ច ក្នុងនោះមានទាំងអតីតទេសាភិបាលធនាគារកណ្តាល២រូបថា មិនមានការទទួលខុសត្រូវខាងសារពើពន្ធ។ រដ្ឋាភិបាល​ ច្រានចោលការរិៈគន់ន៉ ប៉ុន្តែ​បាន​ ជួបបញ្ហាក្នុង​ស្វែងរក​ប្រភព​ថវិកា។

រដ្ឋាភិបាល ទទូចថា គោលនយោបាយនេះ គឺចាំបាច់ដើម្បីពង្រឹងថាមពលសេដ្ឋកិច្ចដែលធនាគារកណ្តាលរំពឹងថា នឹងកើនឡើងត្រឹមតែ ២.៦% នៅឆ្នាំនេះ គឺកើនឡើងពី ១.៩% ពីឆ្នាំ ២០២៣ និងមានកម្រិត កំណើទាបជាងបណ្តាដៃគូ ក្នុងតំបន់ភាគច្រើន។

ទេសាភិបាលធនាគារកណ្តាល លោក សេដ្ឋាភុត សុធីវ៉ាត់ ណារុភុត(Sethaput Suthiwartnaruput) បាននិយាយថា ទោះជាយ៉ាងនេះក្តី កំណើន គឺទាបជាងសក្តានុពល ដោយសារតែតែបញ្ហារចនាសម្ព័ន្ធ ៕

(1$ = 33.1600 បាត)