ការគ្រងតំណែងក្នុងនាមជាស្ត្រីមានទ្រព្យច្រើនបំផុតរបស់ពិភពលោករបស់ លោកស្រី អាឡៃ វ៉ាល់តុន (Alice Walton)  នៃហាងលក់រាយ Walmart បានមកដល់ទីបញ្ចប់កាលពីថ្ងៃព្រហស្បតិ៍ ទី២៦ កញ្ញា ២០២៤ បន្ទាប់ពី លោកស្រី ហ្វ្រង់ស្វ័រ បេតងគួរ ម៉ីយើរ (Francoise Bettencourt Meyers) ជាចៅស្រីរបស់ស្ថាបនិកក្រុមហ៊ុនគ្រឿងសំអាវ L’Oreal បានទទួលតំណែងនេះ នៅពេលដែលផ្សារភាគហ៊ុនគ្រឿងសំអាងប្រណីតនៅអឺរ៉ុប បានហក់ឡើង ក្នុងអ្វីដែលជាប្រតិកម្មជាវិជ្ជមានចំពោះកញ្ចប់ថវិកាជំរុញសេដ្ឋកិច្ចរបា់ប្រទេសចិន បានប្តេជ្ញាចិត្តធ្វើ នៅក្នុងសប្តាហ៍នេះ។

លោកស្រី ម៉ីយើរ បានដណ្តើមតំណែងនេះកាលពីថ្ងៃព្រហស្បតិ៍ នៅពេលដែលទ្រព្យសម្បត្តិសុទ្ធដែលប៉ាន់ស្មានរបស់លោកស្រី បានកើនឡើងដល់ ៩៣.១ ពាន់លានដុល្លារ ហើយលោកស្រី វ៉ាល់តុន បានធ្លាក់ចុះមកត្រឹម ៩០.៤ ពាន់លានដុល្លារ។

ការកើនឡើង នៃទ្រព្យសម្បត្តិសុទ្ធចំនួន ៥.៥ ពាន់លានដុល្លាររបស់លោកស្រី ម៉ីយើរ បានកើនឡើងដ៏ ដ៏សម្បើម១ថ្ងៃ នៃភាគហ៊ុនរបស់ L’Oreal ជិត ៧% នៅថ្ងៃព្រហស្បតិ៍ បើគិតជាទឹកប្រាក់គឺឡើងដល់ $៤០៨.៦៥ក្នុង១ហ៊ុន ជាតម្លៃដែលគ្រុមហ៊ុននេះមិនធ្លាប់ទទួលបានក្នុងកំណត់ត្រា ចាប់តាំងពីខែកក្កដាមក។

លោកស្រី Francoise Bettencourt Meyers (ស្តាំ) និងម្តាយ​ដែលស្លាប់របស់គាត់ លោកយាយ Liliane Bettencourt ជាកូនស្រីរបស់ស្ថាបនិក L’Oreal។

ការធ្លាក់ចុះ ជាទ្រព្យសម្បត្តិសុទ្ធដែលបានប៉ាន់ប្រមាណចំនួន ១.៣ ពាន់លានដុល្លាររបស់លោកស្រី Walton កាលពីថ្ងៃព្រហស្បតិ៍ កើតមានជួនពេលគ្នានឹងថ្ងៃមិនល្អ នៃការជួញដូរសម្រាប់ភាគហ៊ុនរបស់ Walmart ដែលបានបិទធ្លាក់ជិត ២% គឺតម្លៃ $៧៩.៩២ ក្នុង១ហ៊ុន ។

ការហក់ឡើងរបស់ L’Oreal ដែលមានទីផ្សារធំទីពីររបស់ខ្លួននៅក្នុងប្រទេសចិន បានកើតមានឡើងចំពេលមានការកើនឡើងនៃភាគហ៊ុនរបស់គ្រឿងសំអាវប្រណីតនេះនៅអឺរ៉ុបដែលប្រតិកម្មចំពោះប្រទេសចិន បន្ទាប់ពីប្រទេសនេះ បានបង្ហាញថា ខ្លួននឹងដាក់ចេញនូវកញ្ចប់ថវិកាជំរុញសេដ្ឋកិច្ច ដែលមានតម្លៃរាប់រយពាន់លានដុល្លារ។ យោងតាមក្រុមហ៊ុនឱ្យដឹងថា នោះគឺជាភាគហ៊ុននៃភាគហ៊ុន L’Oreal ដែលជាកម្មសិទ្ធរបស់លោកស្រី ម៉ីយើរ និងគ្រួសាររបស់លោកស្រី គិតត្រឹមខែធ្នូ ឆ្នាំ 2023។

លោកស្រី Walton បានចាប់ផ្តើមក្លាយជាស្ត្រីដែលមានទញរព្យច្រើនបំផុតនៅលើពិភពលោកមួយរយៈពេលខ្លីប្រហែល ៣សប្តាហ៍មុន នៅពេលដែលលោកស្រី ស្ថិតក្នុងចំណាត់ថ្នាក់ជាអ្នកមានបំផុតទី ១៨ នៅលើពិភពលោក។ ផ្សារភាគហ៊ុន Walmart កើនឡើងជាង ៥០% ក្នុងឆ្នាំនេះ ខណៈផ្សារភាគហ៊ុន L’Oreal បានធ្លាក់ចុះប្រហែល ៩% ក្នុងរយៈពេលដូចគ្នា។

ប៉ុន្តែកញ្ចប់ជំរុញសេដ្ឋកិច្ច រួមជាមួយការចាក់បញ្ចូលទឹកប្រាក់ចំនួន ១៤២ ពាន់លានដុល្លារ របស់ប្រទេសចិន សម្រាប់ធនាគាររដ្ឋ៦ ដែលមានបំណងជួយដល់ឧស្សាហកម្មអចលនទ្រព្យដែលកំពុងជួបការលំបាក និងរដ្ឋាភិបាលក្នុងតំបន់ដែលខ្វះសាច់ប្រាក់ បានបង្កើតការជួញដូរ១ថ្ងៃដ៏រឹងមាំ នៃផ្សារហ៊ុន L’Oreal  ដែលបានចូលរួមចំណែកយ៉ាងសំខាន់ក្នុងការបង្កើនទ្រព្យសម្បត្តិសុទ្ធរបស់ លោកស្រី ម៉ីយើរ ឱ្យច្រើនបំផុត ក្នុងលោកពេលនេះ៕

ប្រទេសក្នុងតំបន់អាស៊ានជាច្រើន កំពុងតែរីករាយជាមួយ​គោល នយោបាយលើកលែងទិដ្ឋការ ដែលលើកទឹកចិត្តបំផុត ដើម្បីលើកស្ទួយវិស័យ​ទរសចរណ៍ និងជំរុញកំណើនសេដ្ឋកិច្ច នៅចំពោះមុខឪនភាពសេដ្ឋកិច្ច សកល ដែលក្នុងនោះមាន​ប្រទេស​ម៉ាឡេស៊ី, សិង្ហបុរី, ហ្វីលីពីន ថៃ និងវៀតណាម ហើយពេលនេះ​វៀតណាម កំពុង តែពិចារណាបង្កើនការលើកលែងទិដ្ឋការដល់ប្រទេសជាច្រើនថែមទៀត បន្ថែមពីលើចំនួ​ន២៥​ប្រទេស ដែល ខ្លួនបានផ្តល់ជូនរួចហើយ។

មកដល់ពេលនេះ ប្រទេសម៉ាឡេស៊ី និងសិង្ហបុរី បាននាំមុខក្នុងការប្រកាន់យកគោលនយោបាយនេះ ដោយបានលើកលែងទិដ្ឋការដល់162ប្រទេស តាមពីក្រោយដោយប្រទេសហ្វីលីពីន ជាមួយ 157​ ប្រទេស និង ប្រទេសថៃ បានលើកលែងទិដ្ឋការចំនួន 93 ប្រទេសហើយ។

កាលពីសប្តាហ៍មុន នាយករដ្ឋមន្ត្រីវៀតណាម លោក ផាម មិញជីញ (Pham Minh Chinh) បានបញ្ជាឱ្យក្រសួងសន្តិសុខសាធារណៈ និងកិច្ចការបរទេស ពិចារណាលើការលើកលែងទិដ្ឋាការ សម្រាប់ប្រទេស១ចំនួនទៀត ដើម្បីជំរុញការស្តារទេសចរណ៍ឡើងវិញ។

នៅឯជំនួបមួយ ជាមួយក្រុមប្រមុខ នៃទីភ្នាក់ងារតំណាងវៀតណាមនៅបរទេស នាយករដ្ឋមន្ត្រី រូបនោះ បានស្នើឱ្យទីភ្នាក់ងារទាំងនោះ ស្រាវជ្រាវគោលនយោបាយទិដ្ឋាការសមស្រប ដើម្បីបង្កលក្ខណៈងាយស្រួលសម្រាប់ភ្ញៀវទេសចរបរទេស និងជួយបង្កើតសន្ទុះសម្រាប់ការងើបឡើងវិញ នៃវិស័យទេសចរណ៍។

លោក​ជីញ បានមានប្រសាសន៍​ថា​៖ «​ក្រសួង​សន្តិសុខ​សាធារណៈ​ គួរតែ​សហការ​ជាមួយ​ក្រសួងការបរទេស​ ដើម្បី​លើកលែង​ទិដ្ឋាការ​សម្រាប់​ប្រទេស​ជាច្រើនទៀត​»​។

បណ្តាប្រទេស​នៅតំបន់អាស៊ី​អាគ្នេយ៍ទាំងនោះ​ ក៏នៅតែកំពុង​បង្កើន​ការ​ប្រកួត​ប្រជែង​របស់​ខ្លួន​ដើម្បី​ទាក់​ទាញ​ភ្ញៀវ​ទេសចរ​បរទេស​ ជាមួយ​គោល​នយោបាយ​មិនគិតថ្លៃលើ​ទិដ្ឋាការបែបនេះ។ កាលពីដើមសប្តាហ៍នេះ ប្រទេសថៃ បានបង្កើនចំនួនប្រទេស និងដែនដីដែលរីករាយនឹងការស្នាក់នៅដោយមិនគិតថ្លៃលើទិដ្ឋាការរយៈពេល 60 ថ្ងៃរបស់ខ្លួន ពីចំនួន 57 ប្រទេស ទៅ 93 ប្រទេស ខណៈដែលឥណ្ឌូនេស៊ី គ្រោងនឹងផ្តល់ការចូលទស្សនាដោយមិនគិតថ្លៃទិដ្ឋាការ ទៅកាន់គោលដៅចំនួន 20 ក្នុងនោះក៏មានប្រទេសអូស្ត្រាលី ចិន និងឥណ្ឌាផងដែរ ចាប់ពីខែតុលាតទៅ។

ស្ថិតនៅក្រោមគោលនយោបាយអន្តោប្រវេសន៍បច្ចុប្បន្ន វៀតណាមផ្តល់ទិដ្ឋាការទេសចរណ៍រយៈពេលបីខែដោយឥតគិថ្លៃ សម្រាប់ពលរដ្ឋមកពីគ្រប់ប្រទេស និងដែនដី។

រដ្ឋាភិបាលវៀតណាម ក៏បានបង្កើនរយៈពេលនៃការស្នាក់នៅដល់ទៅបីដង នៅប្រទេសរបស់ខ្លួន គឺដល់ រយៈពេល 45 ថ្ងៃសម្រាប់ពលរដ្ឋទាំងឡាយនៃ ប្រទេស13 ដែលត្រូវបានលើកលែងទិដ្ឋាការជាឯកតោភាគី តាំងពីខែសីហាឆ្នាំមុន។

វៀតណាម ទទួលបានភ្ញៀវអន្តរជាតិចំនួន ៨,៨ លាននាក់នៅក្នុងឆមាសទីមួយនៃឆ្នាំនេះ កើនឡើង ៥៨% ពី១ឆ្នាំទៅ១ឆ្នាំ និង ៤% ពីកម្រិតមុនកូវីដ ដោយពលរដ្ឋកូរ៉េខាងត្បូង និងចិន ឈរនៅកំពូលតារាង និងកំពុងកំណត់គោលដៅសម្រាប់ពេញមួយឆ្នាំ 2024 គឺទាក់ទាញទេសចរឲ្យបាន 18 លាននាក់៕